காணாமலாக்கப்பட்டோரின் உறவினர்களால் யாழ்ப்பாணம் மற்றும் கிளிநொச்சியில் போராட்டம்!

காணாமலாக்கப்பட்டோரின் உறவினர்களால் யாழில் இன்று (திங்கட்கிழமை) போராட்டமொன்று முன்னெடுக்கப்பட்டுள்ளதாக எமது செய்தியாளர் தெரிவித்தார்..

யாழ். சங்கிலியன் பூங்காவில் ஆரம்பிக்கப்பட்ட இந்தப் போராட்டப் பேரணி, நாவலர் வீதியில் அமைந்துள்ள ஐக்கிய நாடுகள் வதிவிடப் பிரதிநிதிகள் அலுவகம் வரை சென்று நிறைவடையவுள்ளதாக தெரிவிக்கப்பட்டுள்ளது.

இலங்கை அரசாங்கத்தின் மனித உரிமை விடயங்கள் தொடர்பாக வெளிவந்துள்ள பலவீனமான முன்வரைவு மற்றும் வலிந்து காணாமல் ஆக்கப்பட்டோரின் உறவுகளுக்கு நீதி வேண்டி இந்த போராட்டம் முன்னெடுக்கப்பட்டுள்ளதாக வடக்கு கிழக்கு வலிந்து காணாமலாக்கப்பட்டோரின் உறவினர்களின் அமைப்பினர் தெரிவிக்கின்றனர்.

இது தவிர, சர்வதேச குற்றவியல் தீர்ப்பாயம் ஒன்றினூடாக பாதிக்கப்பட்ட தமிழ் மக்களுக்கு நீதி கிடைக்க ஐ.நா. உறுப்பு நாடுகள் இதய சுத்தியுடன் செயற்பட்டு இலங்கை அரசு மீதான காத்திரமான நிலைப்பாட்டை சர்வதேசம் முன்னெடுக்க வேண்டும் என்ற கோரிக்கையை வலியுறுத்தியும் அவர்கள் இந்தப் போராட்டத்தை முன்னெடுத்துள்ளனர்.

இதேவேளை வலிந்து காணாமல் ஆக்கப்பட்டவர்களின் உறவுகளால் முன்னெடுக்கப்படும் கவனயீர்ப்புப் போராட்டம் ஒன்று கிளிநொச்சியிலும் ஆரம்பிக்கப்பட்டுள்ளது.

தற்போது, கிளிநொச்சி கந்தசுவாமி கோவில் முன்றலில் தொடங்கிய போராட்டம் கிளிநொச்சி பழைய கச்சேரி வரையான பகுதி வரை நகர்வதாக எமது செய்தியாளர் தெரிவித்துள்ளார்.

போராட்டத்தில் வலிந்து காணாமல் ஆக்கப்பட்டவர்களின் உறவுகள், அரசியல் பிரமுகர்கள், மதத் தலைவர்கள் எனப் பலர் கலந்துகொண்டுள்ளமை குறிப்பிடத்தக்கது.

• 

பிற செய்திகள்:

• முடிந்தால் செய்து காட்டுங்கள்; வியாழேந்திரனுக்கு பகிரங்க சவால் விடுத்தார் மனோ கணேசன்!
• முஸ்லிம்களின் உடல்களை நல்லடக்கம் செய்ய தனித்தீவு
• இலங்கைக்கு எதிரான தீர்மானம் இன்று ஜெனிவாவில் சமர்ப்பிப்பு
• தீப்பரவலால் சுமார் 30 ஏக்கர்வரையான வனப்பகுதி நாசம்; பொலிஸார் தீவிர விசாரணை!
• அரசியல் களத்தில் குதித்தார் மகிந்தவின் இளைய புதல்வன்..?
• கொரோனா தொற்றினால் மேலும் 7 பேர் உயிரிழப்பு
• கொழும்பு வானில் கிபீர் விமானங்கள் வட்டமிடுவது ஏன்?
• மேலும் சடுதியாக அதிகரித்த கொரோனா தொற்றாளர்கள்
• ஓரிரு மாதங்களில் பெட்ரோல்-டீசல் விலை குறையும்..!
• உலகிற்கு சிவப்பு எச்சரிக்கை விடுக்கப்பட்டுள்ளது..!

சமூக ஊடகங்களில்:

• Facebook : சமூகம் முகநூல்
• Twitter: சமூகம் ட்விட்டர்
• Instagram : சமூகம் இன்ஸ்டாகிராம்
• YouTube : சமூகம் யு டியூப்