தடுப்பை உடைத்து வெளியே பாய்ந்த ரயிலை தாங்கிப் பிடித்த திமிங்கிலம்; தற்போது வெளியான தகவல்!

15143

நெதர்லாந்து De Akkers metro ரயில் நிலையத்தில் ரயில் பாதுகாப்பு தடையை உடைத்துக்கொண்டு சென்று மெட்ரோ பாலத்தின் கீழ் அமைக்கப்பட்டுள்ள திமிங்கில வால் சிற்பத்தில் மோதி வெளியில் தாங்கி நின்ற சம்பவம் கடந்த வருடம் பெரும் வியப்பை ஏற்படுத்தியிருந்தது.

குறித்த விபத்தில் அதிஸ்ரவசமாக ரயில் சாரதி பாதுகாப்பாக மீட்கப்பட்டு வைத்தியசாலையில் அனுமதிக்கப்பட்டிருந்தார், எனினும் பயணிகள் யாரும் அந்தநேரத்தில் ரயிலில் இருக்கவில்லை.

அங்கு அமைக்கப்பட்டிருந்த வெள்ளிநிற திமிங்கில வால் பகுதி இல்லையெனில் ரயில் பாய்ந்து முழுமையாக சேதமடைந்திருந்திருக்கும் எனவும், ரயிலைதாங்கியது ஆச்சரியமாக இருந்தது எனவும் பொலிஸ் அதிகாரி ஒருவர் ஊடகங்களுக்க தெரிவித்திருந்தார்.

ரயிலின் முன்பக்கம் மேலே 10 மீற்றர் (30 அடி) வெளியில் தொங்கியது, இந்த திமிங்கில சிற்பம் சுமார் 20 ஆண்டுகளுக்கு முன்பு மெட்ரோவின் அடியில் உள்ள ஒரு பூங்காவில் கட்டப்பட்டது.

இதில் இரண்டு பெரிய திமிங்கல வால்கள் தண்ணீரிலிருந்து வெளியே நிற்பதுபோல அமைக்கப்பட்டது, அவற்றில் ஒன்று ரயிலைக் காப்பாற்றியுள்ளது.

ரயிலை எவ்வாறு பாதுகாப்பாக அகற்றுவது என்பது குறித்து சிற்ப கட்டிடக் கலைஞர்கள் உட்பட மீட்புக்குழுவினர் விபத்துக்கள்ளான இடத்தில் ஆலோசனை நடத்தி பின்பு மீட்டனர்.

இந்நிலையில் தற்போது ரயில் மோதி சேதமடைந்த திமிங்கல சிற்பம், தற்போது புனரமைக்கப்பட்டு வருவதாகவும், தெரிவிக்கப்படுகிறது, மேலும் ரயில் மற்றும் ஒருவரின் உயிரை காப்பாற்றிய குறித்த சிற்பத்தை அங்குள்ளவர்களில் நெகிழ்ச்சியுடன் பார்ப்பதாக தெரிவிக்கபப்டுகிறது.

பிற செய்திகள்:

சமூக ஊடகங்களில்: