பல வருடங்களுக்கு பிறகு இணைந்த கருணாநிதி குடும்பம்; இன்று நடந்த ஆச்சரியங்கள்; நெகிழ்ச்சி சம்பவம்!

413

மு.க.ஸ்டாலின் பதவி ஏற்பு விழாவில் துர்கா ஸ்டாலின் கண் கலங்கிய சம்பவம் அங்கிருந்தவர்களை நெகிழ்ச்சியில் ஆழ்த்தியதையடுத்து அடுத்து மற்றுமொரு சம்பவம் வைரலாகி வருகிறது.

சட்டசபைத் தேர்தலில் தி.மு.க. தலைமையிலான கூட்டணி அமோக வெற்றி பெற்றது. தி.மு.க. 125 தொகுதிகளில் வெற்றி பெற்றுத் தனிப் பெரும்பான்மை பெற்றது.

மேலும் இதையடுத்து, ஆட்சியமைக்கும் பணிகளை திமுக தொடங்கியது. சட்டமன்ற கட்சித் தலைவராக மு.க.ஸ்டாலின் தேர்ந்தெடுக்கப்பட்டதைத் தொடர்ந்து அவர் ஆளுநர் பன்வாரிலால் புரோகித்தை சந்தித்தார்.

அத்தோடு தன்னை ஆதரிக்கும் சட்டமன்ற உறுப்பினர்கள் பட்டியலையும் அப்போது ஆளுநரிடம் மு.க.ஸ்டாலின் அளித்தார். மேலும் ஆட்சி அமைக்க உரிமை கோரினார்.

எனினும் அதைத்தொடர்ந்து முதல்-அமைச்சராக மு.க.ஸ்டாலினைப் பதவி ஏற்க வருமாறு ஆளுநர் அழைப்பு விடுத்தார். இதைத்தொடர்ந்து இன்று வெள்ளிக்கிழமை சென்னை கிண்டியில் உள்ள ஆளுநர் மாளிகையில் புதிய அரசு பதவி ஏற்பு விழா எளிமையான முறையில் நடைபெற்றது.

மேலும் முதல்-அமைச்சராக மு.க.ஸ்டாலின் பதவி ஏற்றார். அவருக்கு ஆளுநர் பன்வாரிலால் புரோகித் பதவிப்பிரமாணமும், ரகசிய காப்பு பிரமாணமும் செய்து வைத்தார். முதல்-அமைச்சர் மு.க.ஸ்டாலின் தலைமையில் அமைந்துள்ள அமைச்சரவையில் அவருடன் சேர்த்து 34 அமைச்சர்கள் இடம் பெற்றுள்ளனர். ஸ்டாலின் பதவியேற்ற பின்னர் அமைச்சர்கள் அனைவரும் பதவி ஏற்றனர்.

எனினும் இதற்கிடையே ‘முத்துவேல் கருணாநிதி ஸ்டாலின்’ என்னும் நான் என ஸ்டாலின் கூறியதும் அங்கிருந்த மு.க. ஸ்டாலினின் மனைவி துர்கா ஸ்டாலின் கண்கலங்கினார். இளைஞராகத் தனது அரசியல் பயணத்தைத் தொடங்கிய ஸ்டாலின் இன்று முதல்வராகப் பதவி ஏற்பது அவருக்கு நெகிழ்ச்சியை ஏற்படுத்தியிருக்கின்றது என்ற என சமூக வலைத்தளங்களில் கருத்துக்கள் பகிரப்பட்டு வருகின்ற நிலையில், தற்போது ஒரு தகவல் வைரலாகி வருகிறது.

இந்நிலையில் மு.க.ஸ்டாலின் பதவியேற்பு விழாவில் அழகிரி மகன் தயாநிதி அழகிரி கலந்து கொண்ட நிலையில், இந்த விழாவில் இருவரும் சந்திகொண்டு, சில நிமிடங்கள் பேசினார்கள். அதன்பின் இருவரும் சந்தோசமாக கட்டிப்பிடித்து தங்கள் அன்பை பகிர்ந்து கொண்டிருந்தனர்.

மு.க.ஸ்டாலினும் அழகிரியும் கடந்த சில வருடங்களாக மனகசப்பில் இருந்து வந்த நிலையில். சட்டமன்ற தேர்தலில் மு.க.ஸ்டாலினுக்கு எதிராக அழகிரி செயல்படுவார் என்று எதிர்பார்த்த நிலையில் அவர் அமைதியாக இருந்துவந்தார். மேலும் ஸ்டாலின் வெற்றிக்கு வாழ்த்து தெரிவித்து தனது அன்பை பகிர்ந்து கொண்டு ஆச்சரியமளித்தார் அழகிரி. இந்நிலையில் உதயநிதியும், தயாநிதியும் கட்டிக் கொண்டதும் திமுகவினர் இடையே நெகிழ்ச்சியை ஏற்படுத்தியுள்ளமை குறிப்பிடத்தக்கது.

பிற செய்திகள்:

சமூக ஊடகங்களில்: