ரஷ்யாவை யாரும் அசைக்க முடியாது- முழங்கிய புடின் samugammedia இந்தியாவின் தலைமையில் நடந்த SCO உச்சி மாநாட்டில் ரஷ்யா, சீனா, பாகிஸ்தான் தவிர, கஜகஸ்தான், கிர்கிஸ்தான், தஜிகிஸ்தான், உஸ்பெகிஸ்தான் மற்றும் ஈரான் தலைவர்கள் பங்கேற்றனர்.ஆயுதமேந்திய கிளர்ச்சி முயற்சிகளுக்கு எதிராக ரஷ்ய சமுதாயம் ஒற்றுமையைக் காட்டியுள்ளது என்றும், நாட்டின் பாதுகாப்புக்கான தங்கள் பொறுப்பை மக்கள் நிரூபித்துள்ளனர் என்றும் ரஷ்ய அதிபர் விளாடிமிர் புடின் செவ்வாய்க்கிழமை தெரிவித்தார். ரஷ்யாவில் உள்ள தனியார் ராணுவமான 'வாக்னர் குரூப்' சமீபத்தில் மாஸ்கோவிற்கு எதிராக கிளர்ச்சி செய்த நேரத்தில் ரஷ்ய அதிபரின் இந்த அறிக்கை வந்துள்ளது. இருப்பினும், இந்த கிளர்ச்சி ஒரு குறுகிய காலத்திற்கு மட்டுமே நீடித்தது. இச்சம்பவத்திற்குப் பிறகு பலதரப்பு மற்றும் சர்வதேச அரங்கில் புதின் தோன்றுவது இதுவே முதல்முறையாகும்.பிரதமர் நரேந்திர மோடி தலைமையில் நடைபெற்ற ஷாங்காய் ஒத்துழைப்பு அமைப்பின் தலைவர்கள் கவுன்சிலின் (SCO) 23வது கூட்டத்தில் காணொலி காட்சி மூலம் உரையாற்றிய புடின், உக்ரைன் மோதல் குறித்து பேசிய புடின், ரஷ்யாவை பாதுகாக்கும் வகையில் நமது எல்லைகளுக்கு அருகே ‘வெளிநாட்டை சேர்ந்த படைகள்’ சதி திட்டங்களை செயல்படுத்தி வருகின்றன. யாருடைய பெயரையும் குறிப்பிடாமல் விமர்சனம் செய்த புடின், கடந்த எட்டு ஆண்டுகளாக ஆயுதங்கள் அனுப்பப்பட்டு வருவதாகவும், டான்பாஸில் அமைதியை விரும்பும் மக்களுக்கு எதிரான ஆக்கிரமிப்பு 'நவ யுகத்தின் நாசிசம்' போன்றது என்றும் அவர் கூறினார்."ரஷ்ய மக்கள் முன்னெப்போதையும் விட ஒற்றுமையாக உள்ளனர்," என்று அவர் கூறினார். நாட்டின் நலனுக்கான ஒற்றுமையும் உயர்ந்த பொறுப்பும் தெளிவாகக் எடுத்துக் காட்டப்பட்டது மற்றும் ஆயுதமேந்திய கிளர்ச்சிக்கு எதிராக ஒட்டுமொத்த சமுதாயமும் ஒற்றுமையைக் காட்டியது. சமீபத்தில், வாக்னர் குழுமத்தின் தலைவர் யெவ்ஜெனி பிரிகோஜின் மற்றும் அவரது போராளிகள் ரஷ்யாவிற்கு எதிராக கிளர்ச்சி செய்து மாஸ்கோவை நோக்கி அணிவகுத்துச் சென்றனர். இருப்பினும், கிரெம்ளினுடனான ஒப்பந்தத்தைத் தொடர்ந்து தான் பின்வாங்குவதாக அவர் திடீரென்று அறிவித்தார். இதற்குப் பிறகு, இரண்டு தசாப்தங்களுக்கும் மேலாக நீடிக்கும் புட்டினின் தலைமை மீதும் கேள்விகள் எழுப்பப்பட்டன.SCO கூட்டத்தில், புடின் கூறினார், "அரசியலமைப்பு ஒழுங்கு, சொத்து மற்றும் குடிமக்களைப் பாதுகாப்பதில் ரஷ்ய தலைமையை ஆதரித்த SCO இன் எங்கள் கூட்டாளர் நாடுகளின் உறுப்பினர்களுக்கு நன்றி தெரிவிக்க நான் இந்த வாய்ப்பைப் பயன்படுத்துகிறேன்." 2022 ஆம் ஆண்டில் அனைத்து எஸ்சிஓ உறுப்பு நாடுகளுடனும் ஏற்றுமதி பரிவர்த்தனைகளில் ரஷ்ய தேசிய நாணயத்தின் பங்கு 40 சதவீதத்தை தாண்டும் என்று அவர் குறிப்பிட்டார். "உண்மையான நீதி உணர்வு" மற்றும் "பல துருவ உலக ஒழுங்கை" உருவாக்க SCO முழுமையாக உறுதிபூண்டுள்ளது என்று ரஷ்ய அதிபர் கூறினார்.பிரதமர் நரேந்திர மோடி கூட்டத்தில் உரையாற்றுகையில், சர்வதேச மற்றும் பிராந்திய அமைதிக்கு பயங்கரவாதம் மிகப் பெரிய அச்சுறுத்தலாக உள்ளது என்றும், சில நாடுகள் எல்லை தாண்டிய பயங்கரவாதத்தை தங்கள் கொள்கையாக கொண்டு பயங்கரவாதிகளுக்கு அடைக்கலம் தருகின்றன என்றும் கூறினார். பயங்கரவாதத்தை ஊக்குவிக்கும் நாடுகளை விமர்சிக்க, SCO அமைப்பில் இடம் பெற்றுள்ள நாடுகள் தயங்கக் கூடாது என்றும் கூறினார்.