காணாமல் ஆக்கப்பட்டோரின் தீர்வு தொடர்பில் பொது வாக்கெடுப்பு நடத்த வேண்டும் -ராஜ்குமார் வேண்டுகோள் தீர்வு தொடர்பில் பொது வாக்கெடுப்பு நடத்த வேண்டும் என தமிழர் தாயக காணாமல் ஆக்கப்பட்டோரின் சங்கத்தின் செயலாளர் கோ.ராஜ்குமார் தெரிவித்தார். இன்று (27) போராட்ட பந்தலில் இடம்பெற்ற ஊடக சந்திப்பில் கருத்து தெரிவிக்கும் போதே இவ்வாறு தெரிவித்தார். தொடர்ந்து கருத்து தெரிவிக்கையில், 30 வருடங்களாக யுத்தத்தில் பாதிப்படைந்து காணாமல் ஆக்கப்பட்ட பிள்ளைகளை தேடி போராடி கொண்டிருக்கின்ற தாய்மார்களுக்கும் தமிழ் மக்களுக்கும் என்ன வேண்டும் என்று முடிவெடுக்க கூடிய தீர்வை வழங்க வேண்டும். அவர்கள் பொது வாக்கெடுப்பு மூலம் முடிவெடுப்பார்கள். அதற்கு முக்கியமாக மூன்றாம் தர மத்தியஸ்தமாக அதாவது அமெரிக்கா, ஐரோப்பிய ஒன்றிய நாடுகளை நாங்கள் அழைக்கின்றோம். அந்த மூன்றாம் தர மத்தியஸ்தோடு இடம்பெறும் பேச்சு வார்த்தை தான் நம்பக்கூடியதாக இருக்கும். ஏனென்றால் கடந்த காலங்களில் இருந்து பேச்சு வார்த்தைகள் மூலம் தமிழ் மக்களுக்கு எந்த தீர்வுகளும் கிடைக்கவில்லை. அதற்கு பொறுப்பு கூறலும் இல்லை அதனால் நாங்கள் முதலாம் திகதி போராட்டம் மேற்கொண்ட பின்னர் எரிச்சொல்ஹெய்டமும் சில கேள்விகளை கேட்க இருக்கின்றோம். ஏனென்றால் அவரும் பொறுப்பு கூற வேண்டும். அத்தோடு சில கோரிக்கைகளையும் முன்வைக்க இருக்கின்றோம்.எங்கள் தாய்மார்களுக்கு செயல்கள் மட்டுமே தேவை, USTAG சிங்களவர்களுடன் சம்பந்தனுடனும் எடுத்த படங்கள் அல்ல.புலம்பெயர் தமிழர்கள் பல கூறுகளைக் கொண்டுள்ளனர். திரைமறைவில் சிலர் தமிழ் இறையாண்மையை அடைவதற்கான உண்மையான பணிகளை செய்கிறார்கள், சிலர் தமிழர்களுக்கு நன்மை பயக்கும் எந்த நடவடிக்கையும் இல்லாமல் தங்கள் புலம்பெயர் அமைப்பை நடத்துகிறார்கள், சிலர் தலைவர்களுடன் புகைப்படம் எடுத்துக்கொள்கிறார்கள், ஆனால் தமிழர்களின் இறையாண்மையை கைவிட்டனர்.அண்மையில் கனடாவில் இருந்து இலங்கைக்கு வந்த கந்தையா தமிழ் கனடியன் காங்கிரஸ் என்ற பெயரில் ஐக்கிய இலங்கைக்கான கந்தையாவின் பிளானை சமர்பித்தார். இந்த கந்தையா மற்றும் கனடிய தமிழ் காங்கிரஸின் வெட்கக்கேடான செயல்.கனடிய தமிழ் காங்கிரஸுக்கு, தமிழர்களுக்கு உதவ வேண்டுமானால், இரண்டு முறை கியூபெக்கில் நடத்தப்பட்ட வாக்கெடுப்புக்கு போல் தமிழ் தாயகத்தில் நடத்த கனடியன் தமிழ் காங்கிரஸ் பிரச்சாரம் செய்ய வேண்டும். இலங்கைக்கு ஆதரவான அமைப்பாக செயற்படக்கூடாது. . பொதுவாக்கெடுப்பு நடத்துவதற்கு ஏன் கனடிய தமிழ் காங்கிரஸ் பயப்படுகிறார்கள் கனடிய தமிழ் காங்கிரஸ் தமிழ் தேசியக் கூட்டமைப்புடன் இணைந்து இலங்கை நிகழ்ச்சி நிரலுடன் இணைந்திருக்கும் வரையில் கனேடியத் தமிழ்க் காங்கிரஸ் ஒரு பயனற்ற அமைப்பாகும் என தெரிவித்தார். -