சுதந்திர தின விழாவை இரத்து செய்த முக்கிய நாட்டின் ஜனாதிபதி இலங்கையில் தற்போது நிலவிவரும் கடுமையான பொருளாதார நெருக்கடி நிலைக்கு மத்தியில் மக்கள் கடும் இன்னல்களை சந்தித்து வரும் நிலையில் எதிர்வரும் 4ம் திகதி சுதந்திர தின நிகழ்வுகளை நடாத்துவதற்குரிய ஏற்பாடுகள் காலிமுகத்திடல் பகுதியில் மேற்கொள்ளப்பட்டு வருகின்றது.இவ்வாறானதொரு நிலையில் மக்கள் கஷ்டத்தின் மத்தியில் இருக்கும் இந்த நேரத்தில் சுதந்திர தினம் கட்டாயம் கொண்டாடப்படவேண்டுமா என்ற கேள்வி  எழுந்துள்ளது.இது இவ்வாறு இருக்கும் வேளையில்  தான்சானியாவில் இருந்து தேசிய சுதந்திர தின விழா இரத்து செய்யப்பட்டு, சிறப்புத் தேவைகள் உள்ள குழந்தைகளின் வசதிக்காக தங்கும் விடுதிகள் கட்ட நிதி ஒதுக்கீடு செய்யப்பட்டுள்ளதாக செய்தி வெளியாகியுள்ளது.தான்சானியாவின் தேசிய சுதந்திர தினம் ஒவ்வொரு ஆண்டும் டிசம்பர் 9 அன்று கொண்டாடப்படுகிறது. இருப்பினும், கடந்த டிசம்பரில் நடைபெற்ற அவர்களின் தேசிய சுதந்திர தின விழாவை இரத்து செய்ய அந்நாட்டு ஜனாதிபதி முடிவு செய்தார்.தான்சானியாவின் ஜனாதிபதி சாமியா சுஹுலு ஹாசன் இந்த தீர்மானத்தினை எடுத்திருந்தார். தான்சானியாவின் 61வது சுதந்திர தின கொண்டாட்டங்களுக்கு மொத்தம் $445,000 (ரூ. 160.2 மில்லியன்) செலவிடப்பட இருந்தது, மேலும் நாடு முழுவதும் உள்ள ஆரம்பப் பள்ளிகளில் எட்டு தங்குமிடங்களைக் கட்டுவதற்கு இந்தப் பணம் ஒதுக்கப்பட்டது.எனினும், தான்சானியா சுதந்திரக் கொண்டாட்டங்களை இரத்து செய்வது இது முதல் முறை அல்ல. 2015 ஆம் ஆண்டில், அப்போதைய ஜனாதிபதி ஜான் மகுஃபுலி கொண்டாட்டங்களை இரத்து செய்தார் மற்றும் வணிகத் தலைநகரான டார் எஸ் சலாமில் சாலை அமைக்க நிதியைத் திருப்பிவிட்டார்.2020 இல், அவர் அதையே செய்தார் மற்றும் மருத்துவ வசதிகளை வாங்க பட்ஜெட்டைப் பயன்படுத்த அறிவுறுத்தினார். தற்போதைய அதிபர் ஹசன் தான்சானியாவின் முதல் பெண் அரச தலைவர் என்பது குறிப்பிடத்தக்கது.