யாழில் காவல்துறை உத்தியோகஸ்தர்கள் இருவர் செய்த மோசமான செயல் SamugamMedia விபத்தினை ஏற்படுத்திய சாரதியை மருத்துவ பரிசோதனைக்காக சட்ட வைத்திய அதிகாரியிடம் அழைத்து சென்ற இரு காவல்துறை உத்தியோகஸ்தர்கள் மது போதையில் இருந்தமை தொடர்பில் வைத்திய அதிகாரியினால் காவல்துறை உயர் அதிகாரிகளுக்கு தகவல் வழங்கப்பட்டுள்ளது.யாழ்ப்பாணம் அச்சுவேலி காவல்துறைப் பிரிவுக்குட்பட்ட புத்தூர் பகுதியில் கடந்த சில தினங்களுக்கு முன்னர் பாரவூர்தி மோதி துவிச்சக்கர வண்டியில் பயணித்த முதியவர் ஒருவர் உயிரிழந்தார்.குறித்த விபத்தினை ஏற்படுத்திய குற்றச்சாட்டில் கைது செய்யப்பட்ட பாரவூர்தி சாரதியை மருத்துவ பரிசோதனைக்காக அச்சுவேலி காவல்துறை உத்தியோகஸ்தர்கள் இருவர் சட்ட வைத்திய அதிகாரி முன் முற்படுத்திய போது இரு காவல்துறை உத்தியோகஸ்தர்களும் மது போதையில் இருந்தமையை கண்டறிந்த சட்ட வைத்திய அதிகாரி அது தொடர்பில் காவல்துறை உயர் அதிகாரிகளுக்கு தகவல் வழங்கியுள்ளார்.இது தொடர்பில் இரு காவல்துறை உத்தியோகஸ்தர்களுக்கு எதிராகவும் முதல் கட்டமாக திணைக்கள மட்ட நடவடிக்கை எடுக்கப்பட்டுள்ளது என தெரிவிக்கப்படுகிறது.