உக்ரைன் போரில் புதிய திருப்பம்வெளிநாட்டு படைகள் களமிறங்குமா உக்ரைனுக்குள் வெளிநாட்டு படைகளை அனுப்பும் திட்டங்கள் குறித்து ரஷ்ய அதிபர் விளாடிமிர் புதின் கடுமையான எச்சரிக்கையை விடுத்துள்ளார்.“இன்று அவர்கள் தங்களது மக்களையும் நாடுகளையும் எதை நோக்கித் தள்ளுகிறார்கள் ரஷ்யக் கூட்டமைப்புடனான போரையே நோக்கித் தள்ளுகிறார்கள்” என புதின் தெரிவித்துள்ளார்.மேலும், உக்ரைனியப் பகுதிக்குள் வெளிநாட்டு படைகளை அனுப்புவது குறித்து தற்போது பேசப்பட்டு வருவதாகவும், அவ்வாறு படைகள் அனுப்பப்பட்டால் அது ரஷ்யாவுடனான நேரடி மோதலாகவே கருதப்படும் என்றும் அவர் எச்சரித்துள்ளார்.இந்தக் கருத்து வெளியாகியுள்ள நிலையில், உக்ரைன் போரில் ஐரோப்பிய நாடுகளின் சாத்தியமான ராணுவப் பங்கு குறித்து மீண்டும் சர்வதேச அளவில் பதற்றம் அதிகரித்துள்ளது. இதேவேளை, ரஷ்யா–உக்ரைன் போரை முடிவுக்குக் கொண்டுவர அமெரிக்கா உள்ளிட்ட தரப்புகள் தொடர்ந்து பேச்சுவார்த்தை முயற்சிகளை மேற்கொண்டு வருகின்றன; ஆனால் இதுவரை குறிப்பிடத்தக்க முன்னேற்றம் ஏற்படவில்லை.இதனால், “உக்ரைனில் வெளிநாட்டு படைகள் களமிறங்கினால் அது ரஷ்யாவுக்கும் மேற்கத்திய நாடுகளுக்கும் இடையிலான நேரடி போராக மாறுமா” என்ற கேள்வி மீண்டும் சர்வதேச அரசியலில் முக்கியத்துவம் பெற்றுள்ளது.