பொலிஸாருக்கு இலஞ்சம் வழங்கி தப்ப முயன்ற 6 சாரதிகள் கைது பரந்தன் சோதனைச்சாவடியில் அதிரடி கிளிநொச்சி பொலிஸ் பிரிவுக்குட்பட்ட A9 பிரதான வீதியின் பரந்தன் பகுதியில் அமைந்துள்ள வீதிச் சோதனைச்சாவடியில் பொலிஸாருக்கு இலஞ்சம் வழங்கி சட்டவிரோதமாக மணல் கொண்டு செல்ல முயன்றதாகக் கூறப்படும் 6 டிப்பர் சாரதிகள் இன்று (19) கைது செய்யப்பட்டுள்ளனர்.பரந்தன் சந்தியிலுள்ள பொலிஸ் வீதிச் சோதனைச்சாவடியில் இன்று காலை இந்த சம்பவம் இடம்பெற்றுள்ளது.சட்டவிரோதமாக மணல் கொண்டு செல்ல முயன்ற போது, குறித்த டிப்பர் சாரதிகள் பொலிஸாருக்கு இலஞ்சம் வழங்க முற்பட்டதாக தெரிவிக்கப்படுகிறது.இதன்போது 6 சந்தேகநபர்களையும் பொலிஸார் கைது செய்ததுடன், அவர்களுடன் தொடர்புடைய 5 டிப்பர் வாகனங்களையும் பொலிஸ் நிலையத்தில் தடுத்து வைத்துள்ளனர்.கைது செய்யப்பட்ட 6 சந்தேகநபர்களையும் இன்று நீதிமன்றில் முன்னிலைப்படுத்த நடவடிக்கை எடுக்கப்பட்டுள்ளதாக பொலிஸார் தெரிவித்துள்ளனர்.சம்பவம் தொடர்பான மேலதிக விசாரணைகளை கிளிநொச்சி பொலிஸார் மேற்கொண்டு வருகின்றனர்.