குளக்கரையில் கைவிடப்பட்ட பொதியில் துப்பாக்கி, ஆயுதங்கள் மிஹிந்தலையில் அதிர்ச்சி மிஹிந்தலை, மஹகனதராவ குளக்கரையில் உரிமையாளரற்ற நிலையில் கைவிடப்பட்டிருந்த பொதியொன்றிலிருந்து T-56 ரக துப்பாக்கி உள்ளிட்ட ஆயுதங்கள் மற்றும் தோட்டாக்களை பொலிஸார் மீட்டுள்ளனர்.குறித்த பகுதியில் சந்தேகத்திற்கிடமான பொதியொன்று இருப்பதாக நேற்று (04) கிடைத்த தகவலின் அடிப்படையில், மிஹிந்தலை பொலிஸார் மேற்கொண்ட தேடுதல் நடவடிக்கையின்போதே இந்த ஆயுதங்கள் மீட்கப்பட்டுள்ளன.இதன்போது T-56 ரக துப்பாக்கி, அதற்குப் பயன்படுத்தப்படும் 4 மெகசீன்கள் மற்றும் 25 தோட்டாக்கள் என்பன பொலிஸாரால் கைப்பற்றப்பட்டுள்ளன.குறித்த துப்பாக்கி மற்றும் தோட்டாக்களை அங்கு கொண்டுவந்து கைவிட்ட நபர் தொடர்பில் இதுவரை எந்தத் தகவலும் வெளியாகவில்லை.சம்பவம் தொடர்பில் மிஹிந்தலை பொலிஸார் மேலதிக விசாரணைகளை முன்னெடுத்து வருகின்றனர்.