தங்கப் பிரியர்களுக்கு சற்று மகிழ்ச்சி செய்தி; இலங்கையில் விலையில் ஏற்பட்ட மாற்றம் இலங்கையில் நேற்றைய விலையுடன் ஒப்பிடுகையில் இன்று தங்கத்தின் விலை குறைந்துள்ளதாக நகை வியாபாரிகள் சங்கத்தினர் தெரிவித்துள்ளனர். அதன்படி 1,500 ரூபாயால் தங்கத்தின் விலை குறைந்துள்ளதாக கொழும்பு செட்டியார் தெரு தங்க நகை வியாபாரிகள் தெரிவித்துள்ளனர். கொழும்பு செட்டியார் தெருவின் இன்றைய தங்க விலை நிலவரப்படி, 24 கரட் தங்கம் பவுண் ஒன்று 264,500 ரூபாயாகவும், 22 கரட் தங்கம் பவுண் ஒன்று 244,700 ரூபாயாகவும், விற்பனை செய்யப்படுகிறது. இதன்படி, 24 கரட் தங்கத்தின் ஒரு கிராமின் விலை 33,063 ரூபாயாகவும், 22 கரட் தங்கத்தின் ஒரு கிராமின் விலை 30,588 ரூபாயாகவும் விற்பனை செய்யப்படுகிறது.