லொறியுடன் மோதிய நோயாளர்காவு வண்டி; காயமின்றித் தப்பிய இரு நோயாளிகள் நோயாளிகளை ஏற்றிச் சென்ற நோயாளர்காவு வண்டி ஒன்று  லொறியுடன் மோதி விபத்திற்குள்ளாகியுள்ளது என்று பொலிஸார் தெரிவித்தனர்.இந்த விபத்து இன்று வியாழக்கிழமை (18) காலை 11.00 மணியளவில் இடம்பெற்றுள்ளது.பொகவந்தலாவை பிரதேச வைத்தியசாலையிலிருந்து டிக்கோயா ஆதார வைத்தியசாலைக்கு இரண்டு நோயாளிகளை ஏற்றிச் சென்ற  நோயாளர் காவு வண்டி ஒன்றே விபத்துக்குள்ளாகியுள்ளது.நோயாளர்காவு வண்டி  லொறியுடன் மோதியதில் இந்த விபத்து இடம்பெற்றுள்ளது. விபத்தின் போது எவருக்கும் எந்தவித காயங்களும் ஏற்படவில்லை என பொலிஸார் தெரிவித்தனர்.அத்துடன், விபத்தில்  நோயாளர் காவு வண்டிக்கு சேதம் ஏற்பட்டுள்ளதாக பொலிஸார் தெரிவித்தனர்.விபத்தினையடுத்து நோயாளிகள் இருவரும் வேறு  நோயாளர் காவு வண்டியில் ஏற்றிச் செல்லப்பட்டதாக பொலிஸார் மேலும் தெரிவித்தனர்.