காலக்கெடுவை தவறவிட வேண்டாம். O/L பரீட்சைக்கான விண்ணப்பங்கள் கோரல் 2026ஆம் ஆண்டுக்கான கல்விப் பொதுத் தராதர சாதாரண தர (O/L) பரீட்சைக்கு தோற்றவுள்ள மாணவர்களிடமிருந்து விண்ணப்பங்கள் கோரும் நடவடிக்கையை பரீட்சைகள் திணைக்களம் ஆரம்பித்துள்ளது.பரீட்சை ஆணையாளர் நாயகம் இந்திகா குமாரி லியனகே தெரிவித்ததன்படி, நேற்று (03) முதல் இணையவழி (Online) மூலமாக விண்ணப்பங்களை ஏற்றுக்கொள்ளும் பணிகள் தொடங்கியுள்ளன.இந்த விண்ணப்பங்களை சமர்ப்பிப்பதற்கான இறுதித் திகதி இம்மாதம் 23ஆம் திகதியாக நிர்ணயிக்கப்பட்டுள்ளதால், தகுதியுடைய விண்ணப்பதாரர்கள் காலக்கெடுவுக்கு முன்னதாகவே தங்களது விண்ணப்பங்களை சமர்ப்பிக்குமாறு அறிவுறுத்தப்பட்டுள்ளது.இதன்படி, பாடசாலை மாணவர்கள் தங்களது பாடசாலை அதிபர்கள் ஊடாக விண்ணப்பங்களை அனுப்பிவைக்க வேண்டும். அதேவேளை, தனிப்பட்ட (Private) பரீட்சார்த்திகள் பரீட்சைகள் திணைக்களத்தின் நடைமுறைகளுக்கு அமைவாக தங்களது விண்ணப்பங்களை நேரடியாக சமர்ப்பிக்க முடியும் எனவும் தெரிவிக்கப்பட்டுள்ளது.காலக்கெடுவுக்குப் பிறகு விண்ணப்பங்கள் ஏற்றுக்கொள்ளப்படுமா என்பது குறித்து இதுவரை எந்த அறிவிப்பும் வெளியிடப்படாத நிலையில், விண்ணப்பதாரர்கள் இறுதி நாள்வரை காத்திருக்காமல் முன்கூட்டியே விண்ணப்பிக்கும் படி பரீட்சைகள் திணைக்களம் வலியுறுத்தியுள்ளது.