குண்டு மிரட்டல் மின்னஞ்சல்கள் குறித்து விசாரணை தீவிரம் பல அரசு அலுவலகங்களுக்கும், கத்தார் ஏர்வேஸ் விமானத்திற்கும் அனுப்பப்பட்ட தொடர் குண்டு மிரட்டல் மின்னஞ்சல்கள் தொடர்பாக காவல்துறை கணினி குற்றப்பிரிவு தொடர்ச்சியான விசாரணைகளை முன்னெடுத்து வருவதாஅமைச்சரவை செய்தித் தொடர்பாளர் அமைச்சர் நளிந்த ஜெயதிஸ்ஸ தெரிவித்துள்ளார்பூஜாபிட்டிய, நாவலபிட்டிய மற்றும் பஸ்பாகே கோரளை பிரதேச செயலகங்களுக்கும், கண்டி மாவட்ட செயலகத்திற்கும் இந்த அச்சுறுத்தல்கள் அனுப்பப்பட்டன.டிசம்பர் 28 அன்று கத்தார் ஏர்வேஸ் விமானத்திற்கும் இதேபோன்ற அச்சுறுத்தல் வந்ததாக அமைச்சர் உறுதிப்படுத்தினார்.இந்த மிரட்டல்களைத் தொடர்ந்து, பொலிஸ் சிறப்புப் படை, பொலிஸ் மற்றும் இராணுவ வெடிகுண்டு செயலிழப்புப் பிரிவுகள் உள்ளிட்ட அவசரகால மீட்புக் குழுக்கள் உடனடியாக செயற்படுத்தப்பட்டு, அறிவிக்கப்பட்ட அனைத்து இடங்களிலும் விரிவான சோதனைகள் மேற்கொள்ளப்பட்டதாக அவர் கூறினார்.பொதுமக்களிடையே அச்சத்தை ஏற்படுத்தும் நோக்கிலேயே இந்த மின்னஞ்சல் மிரட்டல்கள் அனுப்பப்பட்டதா என்பது குறித்து பொலிஸார் விசாரணை நடத்தி வருவதாகவும், இதுவரை எந்த இடத்திலும் வெடிபொருட்கள் எதுவும் கண்டுபிடிக்கப்படவில்லை என்றும் அமைச்சர் நளிந்த ஜெயதிஸ்ஸ தெரிவித்தார். மேலும், இந்த சம்பவங்கள் தொடர்பாக தற்போது வரை குறிப்பிடத்தக்க முன்னேற்றங்கள் எதுவும் இல்லை என அவர் கூறினார்.