ஈரான் புத்திசாலித்தனமான முடிவை எடுக்க வேண்டும் -டிரம்பின் எச்சரிக்கை ஈரான் விரைவில் மிகவும் சரியான மற்றும் புத்திசாலித்தனமான முடிவை எடுக்க வேண்டும்; இல்லையெனில் அந்த நாடு நீண்ட காலம் நிலைத்திருக்காது என அமெரிக்க அதிபர் டொனால்ட் டிரம்ப் எச்சரித்துள்ளார்.அமெரிக்கா–ஈரான் இடையிலான மோதல் மற்றும் பேச்சுவார்த்தை முயற்சிகள் தொடர்ந்து பதற்றமான நிலையில் இருக்கும் சூழலில் டிரம்பின் இந்தக் கருத்து வெளியாகியுள்ளது. ஈரான் முன்வைத்த சமீபத்திய போர் நிறுத்த முன்மொழிவை அமெரிக்கா போதுமானதாக இல்லை என நிராகரித்துள்ளதாக AP தெரிவித்துள்ளது.மேலும், ஈரான் மற்றும் அமெரிக்கா இடையே உடன்பாடு ஏற்படாவிட்டால், நவம்பர் இடைக்காலத் தேர்தல்களுக்குப் பின்னர் ஈரான் மீது மீண்டும் பெரிய அளவிலான தாக்குதல்கள் நடத்தப்படுவதற்கான வாய்ப்பு இருப்பதாகவும் டிரம்ப் தெரிவித்துள்ளார்.இதற்கிடையில், ஈரான் மீது மீண்டும் அமெரிக்க ராணுவத் தாக்குதல் நடத்தப்பட்டால் முன்னையதை விட வலுவான பதிலடி கொடுக்கத் தயாராகி வருவதாக ஈரானிய அதிகாரிகள் தெரிவித்துள்ளதாக Reuters செய்தி வெளியிட்டுள்ளது.இதனால், இரு நாடுகளுக்கும் இடையிலான பேச்சுவார்த்தை எந்த திசையில் செல்கிறது என்பதும், அடுத்த கட்டத்தில் ராணுவ மோதல் மீண்டும் தீவிரமடைகிறதா என்பதும் கவனத்தை ஈர்த்துள்ளது.