பாடசாலை விடுமுறை தொடர்பில் வெளியான கல்வி அமைச்சின் புதிய அறிவிப்பு எதிர்வரும் ஜனாதிபதி தேர்தலை நடத்துவதற்கு வசதியாக பாடசாலைகளை மூடுவது தொடர்பில் தேர்தல் ஆணைக்குழுவிடமிருந்து கல்வி அமைச்சுக்கு முறையான கடிதம் கிடைத்துள்ளதாக அறிவிக்கப்பட்டுள்ளது.எதிர்வரும் 21ஆம் திகதி ஜனாதிபதித் தேர்தல் நடைபெறவுள்ள நிலையில், அந்த வாரத்தில் 18, 19, 20ஆம் திகதிகளில் பாடசாலைகளுக்கு விடுமுறை வழங்க முடியுமா என்பது தொடர்பில் கலந்துரையாடப்பட்டதாக தகவல்கள் தெரிவிக்கின்றன.அதன்படி, அந்த வாரத்தின் முதல் இரண்டு நாட்கள் அதாவது 16, 17 ஆகிய திகதிகளில் அரசு விடுமுறை என்பதால், மீதமுள்ள நாட்கள் குறித்து இந்தக் கேள்வி கேட்கப்பட்டுள்ளது.இங்கு பாடசாலைகள் தேர்தல் பணிகளுக்கு பயன்படுத்தப்படுவதாலும், தொலைதூரத்தில் வசிக்கும் ஆசிரியர்கள் வாக்களிக்க விடுமுறை எடுப்பதாலும், அந்த நாட்களில் பாடசாலைகளில் பணிகளை மேற்கொள்வதில் சிரமம் ஏற்படலாம் என தேசிய தேர்தல் ஆணையம் கோரிக்கை விடுத்துள்ளது.இது குறித்து பரிசீலித்து வருவதாக கல்வி அமைச்சு தெரிவித்துள்ளதாகவும், ஆனால் பாடசாலைகளுக்கு விடுமுறை வழங்குவது தொடர்பில் இதுவரை இறுதித் தீர்மானம் எடுக்கப்படவில்லை எனவும் தகவல்கள் தெரிவிக்கின்றன.எவ்வாறாயினும், இக்கோரிக்கை தொடர்பான விடயங்களை ஆராய்ந்து எதிர்காலத்தில் பாடசாலை விடுமுறைகள் தொடர்பிலான தீர்மானத்தை எடுக்கவுள்ளதாக அமைச்சு தெரிவித்துள்ளது.இதனிடையே 05ம் தர புலமைப்பரிசில் பரீட்சை நிறைவடைந்ததன் பின்னர் வாக்களிப்பு நிலையங்களை தயார்படுத்தும் நடவடிக்கை மேற்கொள்ளப்படும் என தேர்தல்கள் ஆணைக்குழு அறிவித்துள்ளது.