மத்திய கிழக்கில் மீண்டும் பதற்றம்: ஹோர்முஸ் நீரிணை மீது முழு அதிகாரத்தைக் கோருகிறது அமெரிக்கா மத்திய கிழக்கின் மிக முக்கிய கடல் வழியான ஹோர்முஸ் நீரிணை (Strait of Hormuz) மீது தற்போது அமெரிக்கா முழுமையான அதிகாரத்தைக் கொண்டுள்ளதாக அமெரிக்க ஜனாதிபதி டொனால்ட் ட்ரம்ப் பகிரங்கமாக அறிவித்துள்ளார்.செய்தியாளர்களிடம் பேசிய அவர், "ஹோர்முஸ் நீரிணை மீதான முழுக் கட்டுப்பாடும் தற்போது அமெரிக்காவின் வசமே உள்ளது. அந்த கடல் பாதையில் கட்டுப்பாடுகளை விதிக்கும் அதிகாரம் எங்களுக்கு மட்டுமே உரித்தானது; அதில் ஈரானுக்கு எந்தவொரு அதிகாரமும் அல்லது கட்டுப்பாடும் கிடையாது" என்று திட்டவட்டமாகத் தெரிவித்துள்ளார்.மேலும், ஈரான் மீதான தனது அதிருப்தியை வெளிப்படுத்திய ட்ரம்ப், "ஈரான் மீது எங்களுக்கு எந்தவொரு நம்பிக்கையும் இல்லை. அவர்கள் தொடர்ந்து என்னிடம் பொய்களை மட்டுமே கூறி வருகிறார்கள்" என்றும் ஈரானிய நிர்வாகத்தைக் கடுமையாகச் சாடியுள்ளார்.இத் தீர்மானகரமான அறிவிப்பு மத்திய கிழக்கு பிராந்தியத்தில் அமெரிக்கா - ஈரான் இடையிலான ராஜதந்திர மோதலையும் பதற்றத்தையும் மேலும் தீவிரப்படுத்தியுள்ளது.