வீட்டு வேலைகளை செய்ய வரும் ரோபோக்கள் ரோபோக்கள் மனிதர்களிடையே வந்து பல ஆண்டுகள் ஆகிவிட்டன. மருத்துவம் தொடங்கி தொழிற்சாலை, பாதுகாப்பு, போக்குவரத்து என பல்வேறு துறைகளில் ரோபோக்களின் பங்கு மெல்ல மெல்ல அதிகரித்து வருகிறது. தற்போது அந்த வரிசையில், வீட்டு வேலைகளை செய்யக்கூடிய உள்நாட்டு ரோபோக்கள் பெரும் கவனத்தை ஈர்த்து வருகின்றன.செயற்கை நுண்ணறிவு (AI) தொழில்நுட்பத்தின் வேகமான வளர்ச்சியால், மனித உருவம் கொண்ட ரோபோக்கள் இப்போது வீடுகளில் பயன்படுத்தப்படும் நிலைக்கு நெருங்கி வருகின்றன. எகி (Eki), நியோ (NEO), ஐசக் (Isaac) மற்றும் மெமோ (Memo) போன்ற ரோபோக்கள் இதற்கான முன்னோடிகளாக உள்ளனஆனால் தற்போது இந்த ரோபோக்கள் முழுமையாக தன்னாட்சி பெற்றவை அல்ல. பெரும்பாலான சந்தர்ப்பங்களில் மனித ஆபரேட்டர்கள் VR ஹெட்செட்கள் மற்றும் சென்சார்கள் மூலம் தொலைவிலிருந்து இவற்றை கட்டுப்படுத்துகின்றனர்.நியோ போன்ற ரோபோக்களின் விலை தற்போது மாதத்திற்கு சுமார் 20,000 அமெரிக்க டாலர் வரை இருக்கலாம் என கூறப்படுகிறது. சர்வதேச ரோபோட்டிக்ஸ் கூட்டமைப்பு, உள்நாட்டு ரோபோக்கள் பொதுப் பயன்பாட்டிற்கு வர இன்னும் 20 ஆண்டுகள் ஆகலாம் என மதிப்பிடுகிறது. இருப்பினும், தொழில்நுட்பத்தில் முதலீடு வேகமாக அதிகரித்து வருவதால், இந்த காலக்கெடு குறையலாம் என்றும் எதிர்பார்க்கப்படுகிறது.