மினுவாங்கொடையில் சோகம்; 22 வயது இளம் பெண் திடீர் மரணம்  மினுவாங்கொடை ஆதார வைத்தியசாலையில் சிகிச்சை பெற்று வந்த 22 வயதுடைய இளம் பெண் ஒருவர், சிகிச்சை பலனின்றி உயிரிழந்துள்ளார். வைத்தியர்களின் கவனக்குறைவே இந்த மரணத்திற்குப் பிரதான காரணம் என உயிரிழந்த பெண்ணின் உறவினர்கள் கடும் குற்றச்சாட்டுகளை முன்வைத்துள்ளனர்.மினுவாங்கொடை, ஜாபாலவத்தை பிரதேசத்தைச் சேர்ந்த செனுரி தக்ஷிலா என்ற 22 வயதுடைய திருமணமான பெண்ணே இவ்வாறு உயிரிழந்தவராவார்.திடீர் சுகயீனம் காரணமாக கடந்த 18ஆம் திகதி இவர் மினுவாங்கொடை ஆதார வைத்தியசாலையில் அனுமதிக்கப்பட்டார்.அங்கு நான்கு நாட்கள் தங்கியிருந்து சிகிச்சை பெற்று வந்த நிலையில், அவரது உடல்நிலை மிகவும் கவலைக்கிடமானது.இதனையடுத்து, கடந்த 22ஆம் திகதி அதிகாலை 1:00 மணியளவில் மேலதிக சிகிச்சைக்காக அவர் கம்பஹா மாவட்ட பொது வைத்தியசாலைக்கு மாற்றப்பட்டார். எனினும், அங்கு அனுமதிக்கப்பட்ட 20 நிமிடங்களிலேயே அவர் துரதிர்ஷ்டவசமாக உயிரிழந்ததாகப் பெற்றோர் தெரிவிக்கின்றனர்."மகள் நான்கு நாட்கள் மினுவாங்கொடை வைத்தியசாலையிலேயே சிகிச்சை பெற்று வந்தார். ஆனால், அங்கிருந்த வைத்தியர்களால் அவருக்கு டெங்கு பாதிப்பு இருப்பதை ஆரம்பத்திலேயே கண்டறிய முடியவில்லை. அவர்களின் கவனக்குறைவும், உரிய நேரத்தில் முறையான சிகிச்சை அளிக்காததுமே எனது மகளை எங்களிடமிருந்து பறித்துவிட்டது," என செனுரியின் பெற்றோரும் கணவரும் கண்ணீருடன் தெரிவித்துள்ளனர்.பெண்ணின் மரணம் தொடர்பான விசாரணையில், அவர் டெங்கு நோயினால் (Dengue) பாதிக்கப்பட்டிருந்தமையே உயிரிழப்புக்குக் காரணம் என மருத்துவ அறிக்கையில் தெரியவந்துள்ளது. தகுந்த பரிசோதனைகள் முன்னரே செய்யப்பட்டிருந்தால் இந்த உயிரிழப்பைத் தடுத்திருக்கலாம் என்பதே உறவினர்களின் ஆதங்கமாக உள்ளது.உயிரிழந்த செனுரியின் பூதவுடல் மீதான இறுதிக்கிரியைகள் நாளை மினுவாங்கொடை, ஜாபாலவத்தை பொது மயானத்தில் நடைபெறவுள்ளது.