தெற்கு லெபனானில் மீண்டும் பதற்றம் -இஸ்ரேல் அதிரடி தாக்குதல் தெற்கு லெபனானின் டயர் மாவட்டத்தில் அமைந்துள்ள அல்-ஹன்னியே (Al-Hanniyeh) நகரை இஸ்ரேலிய இராணுவம் பீரங்கிக் குண்டுகளால் தாக்கியதாக தகவல்கள் வெளியாகியுள்ளன.இந்தத் தாக்குதலின்போது நகரின் பல பகுதிகளில் சக்திவாய்ந்த வெடிப்புகள் ஏற்பட்டதுடன், புகைமண்டலம் எழுந்ததாகக் கூறப்படுகிறது. எல்லைப் பகுதியில் பதற்றம் தொடர்ந்து நீடித்து வரும் நிலையில், இத்தாக்குதல் அப்பகுதி மக்களிடையே அச்சத்தை ஏற்படுத்தியுள்ளது.தாக்குதலில் ஏற்பட்ட சேதம், உயிரிழப்பு அல்லது காயமடைந்தோர் குறித்த அதிகாரப்பூர்வ தகவல்கள் உடனடியாக வெளியாகவில்லை. சம்பவம் தொடர்பாக மேலதிக தகவல்களை அதிகாரிகள் திரட்டி வருகின்றனர்.மத்திய கிழக்கில் தொடர்ந்து அதிகரித்து வரும் பதற்றத்திற்கு மத்தியில், தெற்கு லெபனானில் இடம்பெற்றுள்ள இந்தப் பீரங்கித் தாக்குதல் மேலும் கவனம் ஈர்த்துள்ளது.