பசிபிக் கடலில் அமெரிக்காவின் அதிரடி தாக்குதல்-வெடித்து சிதறிய கடத்தல் கப்பல் சர்வதேச போதைப்பொருள் கடத்தல் மற்றும் பயங்கரவாதத்திற்கு எதிராக அமெரிக்க ராணுவம் தனது அடுத்தகட்ட அதிரடியைத் தொடங்கியுள்ளது. கிழக்கு பசிபிக் பெருங்கடல் பகுதியில் போதைப்பொருள் பயங்கரவாதிகளின் கப்பல் மீது நடத்தப்பட்ட கொடிய தாக்குதலில் இருவர் கொல்லப்பட்டுள்ளனர்.அமெரிக்காவின் தென் பிராந்தியக் கட்டளை மையத்தின் (SOUTHCOM) தளபதி ஜெனரல் பிரான்சிஸ் எல். டோனோவன் விடுத்த நேரடி உத்தரவின் பேரில் இந்த நடவடிக்கை மேற்கொள்ளப்பட்டது:பயங்கரவாத அமைப்புகளால் இயக்கப்படும் ஒரு மர்மக் கப்பல் மீது 'கூட்டுப் பணிப்படை சதர்ன் ஸ்பியர்' (Joint Task Force Southern Spear) இந்தத் தாக்குதலை முன்னெடுத்தது.உளவுத்துறை தகவல்களின்படி, அந்தக் கப்பல் கிழக்கு பசிபிக் பகுதியில் அறியப்பட்ட போதைப்பொருள் கடத்தல் பாதைகளைப் பயன்படுத்தி, பயங்கரவாதச் செயல்களுக்கு நிதி திரட்டும் நோக்கில் போதைப்பொருட்களைக் கடத்திச் சென்றது உறுதி செய்யப்பட்டது.அமெரிக்கப் படைகள் நடத்திய நேரடித் தாக்குதலில் (Direct Action) இரண்டு ஆண் போதைப்பொருள் பயங்கரவாதிகள் சம்பவ இடத்திலேயே கொல்லப்பட்டனர்.தாக்குதலில் இருந்து ஒரு பயங்கரவாதி மட்டும் தப்பி கடலில் குதித்துள்ளார்.தப்பிய அந்த நபரை உயிருடன் பிடிக்க அமெரிக்கக் கடலோரக் காவல்படை (US Coast Guard) தற்போது தேடுதல் மற்றும் மீட்புப் பணிகளைத் தீவிரப்படுத்தியுள்ளது.இந்தத் துணிச்சலான நடவடிக்கையின் போது, அமெரிக்க இராணுவப் படையினர் யாருக்கும் எவ்வித பாதிப்பும் அல்லது காயமும் ஏற்படவில்லை என SOUTHCOM தலைமையகம் உறுதிப்படுத்தியுள்ளது.