உக்ரைன் உடனான போர் - ரஷ்யாவுக்கு 50 நாள் கெடு - ட்ரம்ப் எச்சரிக்கை உக்ரைன் உடனான போரை 50 நாட்களில் முடிவுக்குக் கொண்டு வராவிட்டால், ரஷ்யா மீது கடுமையான வரிகள் விதிக்கப்படும் என்று அமெரிக்க ஜனாதிபதி டொனால்ட் ட்ரம்ப் எச்சரிகை விடுத்துள்ளார்.உக்ரைன் - ரஷ்ய இடையேயான போர் தொடர்பில் பத்திரிகையாளர்களிடம் கருத்துத் தெரிவிக்கையிலே மேற்கண்டவாறு தெரிவித்தார். இது தொடர்பில் அவர் தெரிவிக்கையில், ரஷ்ய ஜனாதிபதி விளாடிமீர் புடினின் போர் நடத்தை ஏமாற்றம் அளிக்கிறது . இந்த நிலையில், அடுத்த 50 நாட்களுக்குள் உக்ரைனுடன் போர் நிறுத்தத்திற்கு புடின் ஒப்புக் கொள்ளாவிட்டால், ரஷ்யா மீது கடுமையான வரிகள் விதிக்கப்படும். நாங்கள் 2ஆம் கட்ட வரிகளை விதிக்க திட்டமிட்டு வருகிறோம். மேலும், எங்களுடன் இந்த ஒப்பந்தம் ஏற்படவில்லையென்றால், 100 சதவீத வரி விதிக்கப்படும்  என்று எச்சரிக்கை விடுக்கப்படுகின்றது என்று ட்ரம்ப் மேலும் தெரிவித்துள்ளார்.