மொரிட்டானியா கடலில் 89 புலம்பெயர்ந்தோர் பலி மொரிட்டானியா கடற்கரையில் படகு கவிழ்ந்ததில் ஐரோப்பாவுக்குச் செல்லும்சுமார்  89 புலம்பெயர்ந்தோர் உயிரிழந்தனர் என்றும் பலரைக் காணவில்லை என்றும்  அரசு செய்தி நிறுவனம்  அறிவித்துள்ளது. நாட்டின் தென்மேற்கு நகரமான என்டியாகோவில் இருந்து நான்கு கிலோமீற்ற‌ர் தொலைவில் அட்லாண்டிக் பெருங்கடலின் கடற்கரையில் ஜூலை 1 திங்கள் அன்று கவிழ்ந்த ஒரு பெரிய பாரம்பரிய மீன்பிடி படகில் இருந்த 89 பேரின் உடல்களை மொரிட்டானிய கடலோர காவல்படை மீட்டுள்ளது என்று மாநில செய்தி நிறுவனம் தெரிவித்துள்ளது.ஐந்து வயது சிறுமி உட்பட ஒன்பது பேரை கடலோர காவல்படையினர் மீட்டனர்.செனகல் , காம்பியாவின் எல்லையில் இருந்து 170 பயணிகளுடன் படகு புறப்பட்டுச் சென்றதாகவும், காணாமல் போனவர்களின் எண்ணிக்கை 72 ஆக உயர்ந்துள்ளதாகவும் உயிர் பிழைத்தவர்களை மேற்கோள் காட்டி நிறுவனம் தெரிவித்துள்ளது.   இந்த ஆண்டின் முதல் ஐந்து மாதங்களில் கடல் வழியாக ஸ்பெயினை அடைய முயன்ற 5,000க்கும் மேற்பட்ட புலம்பெயர்ந்தோர் இறந்தனர் அல்லது ஒரு நாளைக்கு 33 இறப்புகளுக்கு சமமானதாக ஸ்பெயின் தொண்டு நிறுவனமான காமினாண்டோ ஃபிரான்டெராஸ் தெரிவித்துள்ளது.