புதிய முதலீட்டு வலயங்களுக்கு அமைச்சரவை அங்கீகாரம்   புதிய முதலீட்டு வலயங்களை அபிவிருத்தி செய்வதற்கு ஜனாதிபதியினால் அமைச்சரவையில் முன்வைக்கப்பட்ட யோசனைக்கு அங்கீகாரம் வழங்கப்பட்டுள்ளது.இதன்படி, வடக்கு, கிழக்கு, வடமேற்கு மற்றும் தென் மாகாணங்களில் புதிய முதலீட்டு வலயங்களை நிறுவுவது குறித்த முன்மொழிவுகளில் இதுவும் ஒன்றாகும் என கூறப்படுகிறது.மாங்குளம், பரந்தன் இரசாயன நிறுவன வளாகம் மற்றும் காங்கேசன்துறை சீமெந்து கூட்டுத்தாபன வளாகங்களில் புதிய முதலீட்டு வலயங்களை நிறுவுவது இதற்குள் அடங்கும் என அமைச்சரவை தகவல்கள் தெரிவிக்கின்றன.இதேவேளை, இரணவில மற்றும் திருகோணமலையில் புதிய முதலீட்டு வலயங்களை அறிமுகப்படுத்துவதற்கும் ஜனாதிபதி முன்மொழிந்துள்ளார்.மேலும் பிங்கிரிய மற்றும் ஹம்பாந்தோட்டை முதலீட்டு வலயங்கள் விரிவாக்கம் செய்யப்படவுள்ளன.இதன்படி குறித்த யோசனைக்கு பொருத்தமான அரச - தனியார் பங்குடமை மாதிரியின் அடிப்படையில் மேற்படி முதலீட்டு வலயங்களை அபிவிருத்தி செய்வதற்கான முன்மொழிவுக்கு அங்கீகாரம் வழங்கப்பட்டுள்ளது.