கிளிநொச்சியில் இருந்து கொழும்பு நோக்கி பயணித்த பேருந்தில் முக்கிய பொருளுடன் சிக்கிய முதியவர் கிளிநொச்சி - தர்மபுரம் பொலிஸ் பிரிவுக்குட்பட்ட உழவனூர் பகுதியில் இருந்து கொழும்பு நோக்கி பயணித்த  பேருந்தில் கேரளா கஞ்சாவை கொண்டு செல்வதற்காக முயற்சித்த முதியவர் ஒருவர் கைது செய்யப்பட்டுள்ளார்.இக் கைது  நடவடிக்கை நேற்றைய தினம்  இரவு    இடம்பெற்றுள்ளது.இதன்போது பயண பொதியில் மறைத்து எடுத்துச் செல்லப்பட்ட ஒரு கிலோவும் 750 கிராம் நிறையுடைய கேரளா கஞ்சாவுடன் 64 வயதுடைய முதியவர் கைது செய்யப்பட்டுள்ளார்.தர்மபுரம் பொலிசாருக்கு கிடைக்கப்பெற்ற தகவலுக்கு அமைவாக மேற்கொள்ளப்பட்ட சோதனையின் போது குறித்த கைது இடம்பெற்றுள்ளது.சந்தேக நபரை இன்றையதினம் நீதிமன்றத்தில் முற்படுத்த நடவடிக்கை எடுக்கப்பட்டுள்ளதாக பொலிசார் தெரிவித்தனர்.