பிரபல நகைச்சுவை நடிகர் ரேபோ சங்கர் காலமானார்; திரையுலகம் அதிர்ச்சி - திரைப்பிரபலங்கள் இரங்கல் பிரபல நகைச்சுவை நடிகர் ரோபோ சங்கர் தனது 46 வயதில் இன்று காலமாகியுள்ளார். சின்னத்திரையில் பிரபலமான ரோபோ சங்கர்   சினிமாவில் அறிமுகமாகி பல படங்களில் நகைச்சுவை கதாபாத்திரங்களில் நடித்து வந்தார்.ரோபோ சங்கர் நேற்று முன்தினம் ஒரு படப்பிடிப்பில் பங்கேற்றார். அப்போது திடீரென அவருக்கு மயக்கம் ஏற்பட்டது.இதையடுத்து அவரை படக்குழுவினர் சென்னை துரைப்பாக்கத்தில் உள்ள தனியார் மருத்துவமனையில் சிகிச்சைக்காக அனுமதித்தனர்.ரோபோ சங்கரை பரிசோதித்த மருத்துவர்கள் நீர்சத்து குறைபாடு மற்றும் குறைந்த ரத்த அழுத்தம் காரணமாக மயக்கம் ஏற்பட்டுள்ளதாகவும் தொடர்ந்து சில தினங்கள் மருத்துவ சிகிச்சை பெற வேண்டும் என அறிவுறுத்தினார். இந்த நிலையில், வெண்டிலேட்டர் உதவியுடன் சிகிச்சை பெற்று வந்த நடிகர் ரோபோ சங்கர் சிகிச்சை பலனின்றி இன்று உயிரிழந்தார். இவரது மறைவு குறித்து அறிந்து திரையுலகமே அதிர்ச்சியடைந்து அவரது மறைவுக்கு இரங்கல் தெரிவித்து வருகின்றனர்.ரோபோ சங்கர் சில வருடங்களுக்கு முன்பு மஞ்சள் காமாலை நோயால் பாதிக்கப்பட்டு மருத்துவமனையில் அனுமதிக்கப்பட்டிருந்தார். தீவிர சிகிச்சைக்கு பிறகு உடல்நலம் தேறி  படங்களில் நடித்து வந்த நிலையில் மீண்டும் நோயால் பீடிக்கப்பட்டு இன்று உயிரிழந்துள்ளார்.