வெடிகுண்டு தாக்குதல்கள் ஏற்பட்டால் எவ்வாறு செயற்படுவது – விசேட பயிற்சி. இலங்கை விமானப்படை மற்றும் கொழும்பு தேசிய வைத்தியசாலை ஆகியன இணைந்து இரசாயன, அணு மற்றும் வெடிகுண்டு தாக்குதல்கள் ஏற்பட்டால்  எவ்வாறு செயற்படுவது என்பது தொடர்பான பயிற்சியை தேசிய வைத்தியசாலை வளாகத்தில் இன்று நடாத்தியிருந்தனர்.இலங்கை விமானப்படையின் இரசாயன உயிரியல் அணு மற்றும் வெடிபொருட்கள் பிரிவு மற்றும் கொழும்பு தேசிய வைத்தியசாலையின் அவசர சிகிச்சை பிரிவு ஆகியவை இணைந்து இந்த பயிற்சிப் பயிற்சியை ஏற்பாடு செய்திருந்தன.இந்த பயிற்சியின் முதன்மை நோக்கம் நோயாளிகளை விமானம் அல்லது தரை வழியாக பாதுகாப்பாக கொண்டு செல்ல பயிற்சி அளிப்பது மற்றும் அத்தகைய அவசரநிலை ஏற்பட்டால் உடனடி சிகிச்சை அளிப்பதாகும்.இந்த பயிற்சியில் இலங்கை விமானப்படையின் இரசாயன உயிரியல் அணு மற்றும் வெடிபொருள் பிரிவின் கட்டளை அதிகாரி விங் கமாண்டர் நிலேந்திர பெரேரா மற்றும் கொழும்பு தேசிய வைத்தியசாலையின் அவசர சிகிச்சைப் பிரிவின் ஊழியர்கள் கலந்துகொண்டனர்.கொழும்பு தேசிய வைத்தியசாலையின் பிரதிப் பணிப்பாளர் வைத்தியர் இந்திக ஜாகொட மற்றும் இலங்கை விமானப்படைத் தளபதி எயார் மார்ஷல் சுதர்சன் பத்திரன ஆகியோரின் மேற்பார்வையில் இந்தப் பயிற்சிப் பயிற்சி இடம்பெற்றது.