தீவிரமடையும் டெங்கு. நாளை முதல் ஆரம்பமாகும் விசேட நடவடிக்கை. தயாராகும் அதிகாரிகள்.samugammedia நாட்டின் பல பாகங்களிலும் டெங்கு நோயின் தாக்கம் அதிகரித்து வருகின்றது.இவ்வாறானதொரு நிலையில்,நாளை(07) முதல் டெங்கு நுளம்புகளை ஒழிப்பதற்கும் கட்டுப்படுத்துவதற்கும் தேசிய மட்டத்தில் தொடர் வேலைத்திட்டங்களை நடைமுறைப்படுத்த சுகாதார அமைச்சு நடவடிக்கை எடுத்துள்ளது.இதன்படி, நாடளாவிய ரீதியில் அமுல்படுத்தப்படவுள்ள இந்த விசேட தேசிய மட்டத் தொடர் வேலைத்திட்டங்கள் டெங்கு அபாயப் பகுதிகளை மையமாகக் கொண்டு நடைமுறைப்படுத்தப்படவுள்ளது.இந்த விசேட வேலைத்திட்டம் நாடளாவிய ரீதியில் உள்ள அனைத்து சுகாதார மற்றும் வைத்திய அதிகாரி அலுவலகங்களின் மத்திய நிலையங்களில் முன்னெடுக்கப்படவுள்ளதுடன், இதற்காக இலங்கை பொலிஸ், ஆயுதப்படை, சிவில் பாதுகாப்புப் படை, டெங்கு நுளம்பு கட்டுப்பாட்டு உதவியாளர்கள் மற்றும் சமூக சுகாதார குழுக்களின் கிராமக் குழு உறுப்பினர்கள். , கிராம அலுவலர்கள் மற்றும் வளர்ச்சி அலுவலர்கள் வளாகங்களை ஆய்வு செய்யும் பணியில் ஈடுபடுத்தப்படவுள்ளமை குறிப்பிடத்தக்கது.