நீண்ட கடவுச்சீட்டு வரிசைகளுக்கு பின்னால் செயற்படும் 'மாஃபியா'- டிரன் அலஸ் குற்றச்சாட்டு. ஒக்டோபர் 20 ஆம் திகதி வரை மிகவும் அத்தியாவசியமான நபர்கள் மாத்திரம் தமது வெளிநாட்டு கடவுச்சீட்டுகளை ( பாஸ்போர்ட்)  பெற்றுக்கொள்ள வருமாறு பொது பாதுகாப்பு அமைச்சர் திரான் அலஸ் வேண்டுகோள் விடுத்துள்ளார்.இது தொடர்பில் அவர் மேலும் தெரிவிக்கையில்,இ-பாஸ்போர்ட் டெண்டரை வாங்கிய நிறுவனத்திற்கு அக்டோபர் 20ஆம் திகதிக்கு முன்னர் சிப்லெஸ் பாஸ்போர்ட்டுகள் வழங்கப்படும்.அதன்படி கடவுச்சீட்டை வழமை போன்று அச்சிட முடியும்.குடிவரவுத் திணைக்களம் 2003ஆம் ஆண்டு முதல் இருபது வருட காலத்திற்கு 11 மில்லியன் வெற்று கடவுச்சீட்டு புத்தகங்களை வழங்கியுள்ளதாகவும், இலத்திரனியல் கடவுச்சீட்டுகளை வழங்க வேண்டியதன் காரணமாக உள்நாட்டு மற்றும் வெளிநாட்டு நிறுவனங்களிடமிருந்து இ-பாஸ்போர்ட்டுகளுக்கான டெண்டர் கோரப்பட்டுள்ளதாகவும் திரான் அலஸ் தெரிவித்தார்.அதன்படி, ஒரு வெற்று புத்தகம் ஒன்றுக்கு 5.6 அமெரிக்க டாலர் என்ற விலையில், வழங்கிய மூன்று நிறுவனங்களில் இருந்து தேர்ந்தெடுக்கப்பட்ட நிறுவனத்திடம் இருந்து 500,000 பாஸ்போர்ட் புத்தகங்களை வாங்க முடிவு செய்யப்பட்டுள்ளதாக அவர் வலியுறுத்தினார்.இந்நிறுவனத்தின் ஆர்டர் நவம்பர் மாதமே வரவிருந்ததாகவும், ஆனால் பாஸ்போர்ட் காலியாக உள்ளதால், எலக்ட்ரானிக் சிப் இல்லாத கடவுச்சீட்டுகளை விரைவில் வழங்குமாறு கோரியதாகவும் திரன் அலஸ் தெரிவித்தார்.இதேவேளை, வெளிநாட்டு கடவுச்சீட்டுகளை பெற்றுக்கொள்வதற்காக அண்மைய நாட்களாக நீண்ட வரிசையில் நிற்கும் மாஃபியாவொன்று செயற்படுவதாகவும்  திரான் அலஸ் சுட்டிக்காட்டியுள்ளார்.