கொழும்பில் பாரிய தீ விபத்து. தீயை கட்டுப்பாட்டிற்குள் கொண்டுவர தீவிர நடவடிக்கை கொழும்பு – 13 ஜோர்ஜ் ஆர் டி சில்வா மாவத்தையில் உள்ள களஞ்சியசாலை ஒன்றில் தீப் பரவல் ஏற்பட்டுள்ளதாக ஆமர்வீதி பொலிஸார் தெரிவித்துள்ளனர்.இன்று காலை குறித்த தீ விபத்து ஏற்பட்டுள்ளதாக தெரியவருகின்றது.தீயை கட்டுப்பாட்டிற்குள் கொண்டு வருவதற்காக கொழும்பு தீயணைப்பு  படைக்கும் சொந்தமான 6 வாகனங்கள் அனுப்பி வைக்கப்பட்டுள்ளன.தீயை கட்டுப்பாட்டிற்குள் கொண்டு வருவதற்கான நடவடிக்கைகள் முன்னெடுக்கப்பட்டு வருவதாக கொழும்பு தீயணைப்பு பிரிவு தெரிவிக்கின்றது.  தீ பரவியமைக்கான காரணம் இதுவரை கண்டறியப்படவில்லை என தெரிவிக்கப்பட்டுள்ளது.