ஜேர்மன் தொழிற்பயிற்சி நிறுவனத்திற்கு சிறிதரன் எம்.பி விஜயம். கிளிநொச்சி மாவட்டத்தில் அமைந்துள்ள இலங்கை ஜேர்மன் தொழிற்பயிற்சி நிறுவனத்திற்கு இன்றையதினம் நேரடியாகச் சென்றிருந்த நாடாளுமன்ற உறுப்பினரும், இலங்கைத் தமிழ் அரசுக் கட்சியின் நாடாளுமன்றக் குழுத் தலைவருமான சிவஞானம் சிறீதரன், அதன் இயங்குநிலையிலுள்ள இடர்பாடுகள் தொடர்பில், நிறுவனத்தின் முதல்வர் உள்ளிட்ட நிர்வாக பீடத்தினருடன் கலந்துரையாடியிருந்தார்.முன்னதாக, குறித்த நிறுவனத்தில் நீண்டகாலமாக நிலவிவரும் குறைபாடுகள் மற்றும் ஆளணிப் பற்றாக்குறை உள்ளிட்ட விடயங்கள் சார்ந்து நிறுவனப் பணியாளர்களால் நாடாளுமன்ற உறுப்பினர் சிறீதரனுக்கு  முன்வைக்கப்பட்ட எழுத்து மூல கோரிக்கை தொடர்பிலான அடுத்தகட்ட நடவடிக்கைகளின் பொருட்டே அவர் குறித்த நிறுவனத்திற்கு நேரடியாக சென்றிருந்தார் என்பது குறிப்பிடத்தக்கது.