மூதூரில் யுத்தத்தால் பாதிக்கப்பட்டோருக்கு புதிய வீடுகள்: முதற்கட்ட நிதியுதவி வழங்கி வைப்பு ​அரசாங்கத்தின் புனர்வாழ்வு அபிவிருத்தி திட்டத்தின் கீழ், மூதூர் பிரதேச செயலகப் பிரிவில் யுத்தத்தினால் பாதிக்கப்பட்டு வீடுகளை இழந்த மக்களுக்கான காசோலை வழங்கி வைக்கப்பட்டது.​2006ஆம் ஆண்டு யுத்த சூழலினால் இடம்பெயர்ந்து, தங்களது வீடுகளை முழுமையாக இழந்த 38 பயனாளர்கள் இத்திட்டத்திற்காகத் தெரிவு செய்யப்பட்டுள்ளனர்.​ஒவ்வொரு வீடும், தலா 20 லட்சம் ரூபாய் செலவில்  நிர்மாணிக்கப்படவுள்ளன.​கட்டுமானப் பணிகளைத் தொடங்குவதற்காக, முதற்கட்டமாக தலா 4 லட்சம் ரூபாய் பெறுமதியான காசோலைகள் இன்று (20) பயனாளர்களிடம் கையளிக்கப்பட்டன.இந்நிகழ்வு மூதூர் பிரதேச செயலக கேட்போர் கூடத்தில் இடம்பெற்றது ​மூதூர் பிரதேச செயலாளர் எம். ஐ. பிரனாஸ் தலைமையில் நடைபெற்ற இந்த நிகழ்வில், வெளிவிவகார மற்றும் வெளிநாட்டு வேலைவாய்ப்பு பிரதி அமைச்சர் அருண் ஹேமச்சந்திரா பிரதம அதிதியாகக் கலந்துகொண்டு காசோலைகளை வழங்கி வைத்தார்.​உதவி திட்டமிடல் பணிப்பாளர்​ ஏ. முஜீப், உதவி பிரதேச செயலாளர் எம்.எஸ்.எப். ரொசானா,தேசிய மக்கள் சக்தியின் மூதூர் பிரதேச ஒருங்கிணைப்பாளர் முகமது சப்ரான் உள்ளிட்ட பலர் கலந்து கொண்டனர்.