நடுவானிலிருந்து திடீரென விழுந்த பாராகிளைடர்கள்-அதிரடியாக நடந்த மீட்பு வைரலான காணொளி உத்தரகாண்டின் தெஹ்ரியில் நடைபெற்ற அக்ரோ விழா & SIV சாம்பியன்ஷிப் டெஹ்ரி 2026 நிகழ்வின்போது, நடுவானில் கட்டுப்பாட்டை இழந்த இரண்டு பாராகிளைடர்கள் டெஹ்ரி ஏரியில் விழுந்து விபத்துக்குள்ளான சம்பவம் பெரும் பரபரப்பை ஏற்படுத்தியுள்ளது. இந்த விபத்து மற்றும் அதைத் தொடர்ந்து நடைபெற்ற அதிரடி மீட்புப் பணிகளின் காணொளி சமூக ஊடகங்களில் வைரலாகி வருகிறது.மூன்று நாள் சர்வதேச பாராகிளைடிங் போட்டியின் வான்வழி நிகழ்வுகள் நடைபெற்று வந்த நிலையில், நேற்று இந்த சம்பவம் இடம்பெற்றதாக அதிகாரிகள் தெரிவித்தனர். காற்றின் நடுவே திடீரென கட்டுப்பாட்டை இழந்த பாராகிளைடர்கள் நேரடியாக டெஹ்ரி ஏரியை நோக்கி விழுந்ததாக கூறப்படுகிறது.பாராகிளைடர்கள் தண்ணீரில் மோதிய உடனேயே,  மாநில பேரிடர் மீட்புப் படை  வீரர்கள்   தாமதமின்றி சம்பவ இடத்தை அடைந்து, இரு விமானிகளையும் ஏரியிலிருந்து பாதுகாப்பாக மீட்டனர்.விரைவான மற்றும் ஒருங்கிணைந்த நடவடிக்கையால், இந்த சம்பவம் ஒரு பெரிய விபத்தாக மாறாமல் தவிர்க்கப்பட்டதாக அதிகாரிகள் தெரிவித்தனர். மீட்புப் பணிகளுக்குப் பின்னர், இரு விமானிகளும் முதற்கட்ட மருத்துவ பரிசோதனைக்கு உட்படுத்தப்பட்டனர். பரிசோதனையில் அவர்கள் இருவரும் எந்தவிதமான கடுமையான காயங்களும் இன்றி பாதுகாப்பாக இருப்பது உறுதி செய்யப்பட்டது. தொடர்ந்து மேலதிக கண்காணிப்பிற்காக அவர்கள் பாதுகாப்பான இடத்திற்கு மாற்றப்பட்டுள்ளனர். https://www.facebook.com/share/v/1Bw1dzjYy3/