அனுர ஜனாதிபதியானதும் உடனடியாக பாராளுமன்றம் கலைக்கப்படும். வெளியான தகவல். samugammedia எதிர்வரும் ஜனாதிபதித் தேர்தலில் தேசிய மக்கள் சக்தியின் வேட்பாளர் அனுரகுமார திஸாநாயக்க நிச்சயமாக ஜனாதிபதியாக வருவார் எனவும், நாடாளுமன்றத்தை உடனடியாக கலைப்பதே அவரது முதல் அறிவிப்பு எனவும் தேசிய மக்கள் சக்தியின் செயற்குழு உறுப்பினர் லால் காந்தா தெரிவித்தார்.தேசிய மக்கள் சக்தி ஏற்பாடு செய்த பொதுக்கூட்டத்தில் கலந்து கொண்டு உரையாற்றும் போதே அவர் மேற்கண்டவாறு தெரிவித்தார்.இது தொடர்பில் அவர் மேலும் தெரிவிக்கையில்,இவ்வருடம் நடைபெறவுள்ள ஜனாதிபதி தேர்தலில் தேசிய மக்கள் கட்சி வேட்பாளர் வெற்றி பெறுவார் என கணிப்பு அறிக்கைகள் உறுதிப்படுத்தியுள்ளதாகவும் குறிப்பிட்டுள்ளார்.இந்த ஆண்டு நடைபெறவுள்ள ஜனாதிபதித் தேர்தலில் அனுரகுமார திஸாநாயக்க வெற்றி பெறுவார் என்பதில் பல கட்சிகளைச் சேர்ந்தவர்களுக்கு சந்தேகம் உள்ளது. வாக்களிப்பு ஓரளவுக்கு நடைபெறாது என்பதில் எமக்கும் சந்தேகம் உள்ளது. ஆனால் மக்கள் எதிர்பார்த்து காத்திருக்கின்றனர்.இந்த வருடம் ஒக்டோபர் மாத இறுதிக்கு முன்னர் நடைபெறவுள்ள ஜனாதிபதித் தேர்தலில்,  மக்களால் ஜனாதிபதி தெரிவு செய்யப்படுவார். அடுத்த ஏழு மாதங்களுக்கு இடைவெளி இல்லை. ஒவ்வொருவரும் தினமும் உழைக்க வேண்டும்.நாடாளுமன்றம் உடனடியாக கலைக்கப்படும் என்பதே அனுரகுமார திஸாநாயக்கவின்  முதல் அறிவிப்பு எனவும் தெரிவித்ததுடன் எனவே, அனைவரும் பொதுத் தேர்தலுக்கு தயாராக வேண்டும் எனவும் தெரிவித்தார்.