வியட்நாமுக்கு விஜயம் மேற்கொள்ளும் ஜனாதிபதி அநுர. மே முதல் வாரத்தில் ஜனாதிபதி அநுரகுமார திஸாநாயக்க வியட்நாமுக்கு விஜயம் செய்யவுள்ளதாக கொழும்பு செய்திகள் தெரிவிக்கின்றன.ஐ.நா. வெசாக் தின நிகழ்வில் பங்கேற்பதற்காகவே அவர் வியட்நாமுக்கு செல்லவுள்ளதாக தெரிவிக்கப்படுகிறது.ஐ.நா. வெசாக் தின நிகழ்வுகள் மே 6 ஆம் திகதி முதல் 8 ஆம் திகதிவரை  ஹோ சி மின் நகரில்  நடைபெறுகின்றது.85 நாடுகளை சேர்ந்த பிரதிநிதிகள் உட்பட 2 ஆயிரத்து 700 விருந்தினர்கள் பங்கேற்கவுள்ளனர் என அறிவிக்கப்பட்டுள்ளது.இலங்கை, இந்தியா, கம்போடியா, நேபாளம், லாவோஸ் ஆகிய நாடுகளில் இருந்து உயர்மட்ட தலைவர்கள் பங்கேற்பார்கள் என தெரிவிக்கப்படுகின்றது.இலங்கையால் முன்வைக்கப்பட்ட கோரிக்கையின் பிரகாரமே ஐ.நா. வெசாக் தினம் அனுஷ்டிக்கப்பட்டு வருகின்றமை குறிப்பிடத்தக்கது.