திறந்தவெளி சிறைச்சாலையிலிருந்து கைதி தப்பியோட்டம் வீரவில திறந்தவெளி சிறைச்சாலை முகாமில் இருந்த கைதி ஒருவர் தப்பியோடியுள்ளதாக வீரவில பொலிஸார் தெரிவித்தனர்.திறந்தவெளி சிறைச்சாலையில் பயிரிடப்பட்டுள்ள பயிர்களை வன விலங்குகளிடமிருந்து பாதுகாப்பதற்காக காவல் பணியில் அமர்த்தப்பட்டிருந்த குறித்த கைதி, சிறைக்காவலர்களுக்கு தெரியாமல் பதுங்கி தப்பியோடியுள்ளதாக பொலிஸார் தெரிவித்தனர்.மேலும் அவரைக் கண்டுபிடிப்பதற்காக வீரவில திறந்தவெளி சிறைச்சாலையைச் சுற்றி சிறைச்சாலை அதிகாரிகள் தேடுதல் நடவடிக்கை மேற்கொண்டுள்ளதுடன், சம்பவம் தொடர்பான மேலதிக விசாரணைகளை வீரவில பொலிஸார் ஆரம்பித்துள்ளனர்கொழும்பு 12 பகுதியை சேர்ந்தவரான இவர் ஹெரோயின் குற்றச்சாட்டில் சிறைத்தண்டனை அனுபவித்து வருவதாகவும், இன்னும் இரண்டு மாதங்களில் சிறையில் இருந்து விடுதலையாக இருந்தமையும் குறிப்பிடத்தக்கது.