ரவி குமுதேஷ் உள்ளிட்ட நால்வருக்கு போராட தடை உத்தரவு நிறைவுகாண் தொழில் வல்லுநர் சேவைக்கு சொந்தமான கற்கைநெறி பட்டதாரிகளை ஆட்சேர்ப்பு செய்வதற்கான போட்டித் பரீட்சையில் கலந்துகொள்ளும் விண்ணப்பதாரர்களை பங்கேற்க வேண்டாம் என்று அழுத்தம் கொடுக்கும் வகையில் இன்று (27) போராட்டம் நடத்தப்படவுள்ளதாக மருதானை பொலிஸ் பொறுப்பதிகாரிக்கு தகவல் கிடைத்துள்ளது. அதன்படி, மருதானை பொலிஸ் பொறுப்பதிகாரியால் மாளிகாகந்த நீதவான் நீதிமன்றத்திடம் விடுத்த கோரிக்கையைத் தொடர்ந்து, 04 பேருக்கு பரீட்சை நடைபெறும் நிலையங்களுக்குள் நுழைதல் மற்றும் நிற்பதற்கும் தடை விதித்து உத்தரவு பிறப்பிக்கப்பட்டுள்ளது. இணை சுகாதார அறிவியல் பட்டதாரிகள் ஒன்றியத்தின் இணை ஒருங்கிணைப்பாளர் எம்.என்.எம். நுஸ்ட்ரி அந்த ஒன்றியத்தின் செயலாளர் நதுன் தஷ்ரிக ஹேவாபத்திரண, அனைத்து பல்கலைக்கழக மாணவ ஒன்றியத்தின் இணைப்பாளர் மதுஷன் சந்திரஜித், நிறைவுகாண் வைத்திய தொழில் வல்லுனர் தொழிற்சங்க கூட்டமைப்பின் தலைவர் ரவி குமுதேஷ் ஆகியோருக்கு எதிராக இந்த உத்தரவு பிறப்பிக்கப்பட்டுள்ளது. அதன்படி, இன்று காலை 8.00 மணி முதல் மாலை 4.00 மணி வரை மருதானை பொலிஸ் பிரிவில் உள்ள வைத்தியசாலை சதுக்கும், டீன்ஸ் வீதி, தி செரம் வீதி, கின்சி வீதி மற்றும் ரீஜண்ட் வீதி ஆகிய இடங்களில் நடைபாதைகளைத் தடுத்து, போராட்டங்கள் மற்றும் ஆர்ப்பாட்டங்கள் நடத்த தடை விதிக்கப்பட்டுள்ளன.