ரஷ்ய ஜனாதிபதி நெருப்போடு விளையாடுகிறார்- ட்ரம்ப் எச்சரிக்கை. ரஷ்ய  ஜனாதிபதி  புடின் நெருப்போடு விளையாடுகிறார் என்று அமெரிக்க அதிபர் டொனால்ட் ட்ரம்ப் காட்டமாக தெரிவித்துள்ளார்.தனது சமூக ஊடக பதவியில் டிரம்ப் கூறியதாவது, "நான் மட்டும் இல்லையென்றால் ரஷ்யாவிற்கு நிறைய  மோசமான விடயங்கள் நடந்திருக்கும் என்பதை விளாடிமிர் புடின் உணரவில்லை. நான் சொல்வது மிகவும் மோசமானது. ரஷ்ய அதிபர் விளாடிமிர் புடின் நெருப்போடு விளையாடுகிறார்" என்று தெரிவித்துள்ளார்.அண்மையில், பல உக்ரேனிய நகரங்களில் ரஷ்ய  விமானப்படை நடத்திய கடுமையான தாக்குதலில் 13 பேர் கொல்லப்பட்டதை தொடர்ந்து புடின் பைத்தியமாகி விட்டார் என்று டிரம்ப் தெரிவித்தார் என்பது குறிப்பிடத்தக்கது.