தென் கடற்பரப்பில் பல நாள் மீன்பிடி படகொன்றில் போதைப்பொருட்களுடன் 6 பேர் கைது. தென் கடற்பரப்பில் பல நாள் மீன்பிடி படகொன்றில் போதைப்பொருட்களை கடத்திச்சென்ற 6 சந்தேகநபர்கள் இன்று  காலை கைது செய்யப்பட்டுள்ளனர்.இலங்கை கடற்படை மற்றும் பொலிஸ் போதைப்பொருள் தடுப்புப் பிரிவினரின் கூட்டு நடவடிக்கையினூடாக இந்த போதைப்பொருட்கள் கைப்பற்றப்பட்டுள்ளது.கைப்பற்றப்பட்ட இழுவைப் படகு இன்று காலை காலி துறைமுகத்திற்கு கொண்டு செல்லப்பட்டுள்ளது.சம்பவம் தொடர்பிலான விசாரணைகளை இலங்கை கடற்படை மற்றும் பொலிஸ் போதைப்பொருள் தடுப்பு பிரிவினர் மேற்கொண்டு வருகின்றனர்.குறித்த கப்பலில் இருந்த போதைப்பொருளின் அளவு கணக்கிடப்பட்டு வருவதாகவும் கடற்படை தெரிவித்துள்ளது.