வலிகாமம் வடக்கு பிரதேச சபையின் தவிசாளராக சுகிர்தன் தெரிவு. வலிகாமம் வடக்கு பிரதேச சபையின் தவிசாளராக இலங்கை தமிழ் அரசுக் கட்சியின் சோமசுந்தரம் சுகிர்தன் தெரிவானார்.வலிகாமம் வடக்கு பிரதேச சபையின் தவிசாளர் மற்றும், பிரதி தவிசாளரை தெரிவு செய்வதற்கான கூட்டம் இன்று வலிகாமம் வடக்கு பிரதேச சபை சபா மண்டபத்தில் வடக்கு மாகாண உள்ளூராட்சி ஆணையாளர் தேவந்தினி பாபு தலைமையில் நடைபெற்றது.35 உறுப்பினர்களை கொண்ட வலிகாமம் கிழக்கு பிரதேச சபைக்காக நடைபெற்று முடிந்த உள்ளூராட்சி சபைத் தேர்தலில் இலங்கை தமிழ் அரசுக் கட்சி 11 ஆசனங்களையும் தேசிய மக்கள் சக்தி 9 ஆசனங்களையும் அகில இலங்கை தமிழ் காங்கிரஸ் ஆறு ஆசனங்களையும்ஜனநாயக தமிழ் தேசிய கூட்டணி மற்றும் ஈழ மக்கள் ஜனநாயகக் கட்சி  ஆகியன தலா 3 ஆசனங்களையும்ஐக்கிய மக்கள் சக்தி 2 ஆசனங்களையும் தமிழ் மக்கள் கூட்டணி ஒரு ஆசனத்தையும் கைப்பற்றியது.தவிசாளர் பதவிக்காக இலங்கை தமிழ் அரசுக் கட்சி சார்பில் போட்டியிட்ட சோமசுந்தரம் சுகிர்தன் 14 வாக்குகளையும் அகில இலங்கை தமிழ் காங்கிரஸ் சார்பில்போட்டியிட்ட பத்மநாதன் சாருஜன் 9 வாக்குகளையும் பெற்றனர்.உப தவிசாளராக இலங்கை தமிழ் அரசுக் கட்சியின் பொன்னுத்துரை தங்கராசா தெரிவானார்.