வயல் வேலை முடிந்து திரும்பிய விவசாயிக்கு நேர்ந்த கதி - யானை தாக்கி பலி பொலன்னறுவை மாவட்டம், மெதிரிகிரியை பகுதியில் காட்டு யானை தாக்கியதில் விவசாயி ஒருவர் சம்பவ இடத்திலேயே பரிதாபமாக உயிரிழந்துள்ளார்.நேற்று காலை இச் சம்பவம் இடம்பெற்றுள்ளது.  மெதிரிகிரியை பிரதேசத்தைச் சேர்ந்த 52 வயதுடைய விவசாயி ஒருவர், தனது வயல் வேலைகளை முடித்துவிட்டு வீடு திரும்பிக்கொண்டிருந்த போதே காட்டு யானையின் தாக்குதலுக்கு உள்ளாகியுள்ளார். புதர் மறைவில் நின்றிருந்த காட்டு யானை திடீரென அவரைத் தாக்கியது என்று தெரிவிக்கப்படுகின்றது.யானையின் தாக்குதலினால் பலத்த காயமடைந்த அவர் சம்பவ இடத்திலேயே உயிரிழந்துள்ளார்.இவ்வாறு உயிரிழந்தவர் நான்கு பிள்ளைகளின் தந்தை என அடையாளம் காணப்பட்டுள்ளார்.இச்சம்பவம் குறித்து மெதிரிகிரியை பொலிஸார் மேலதிக விசாரணைகளை முன்னெடுத்து வருகின்றனர். வனவிலங்கு அதிகாரிகளுக்கும் இது குறித்து அறிவிக்கப்பட்டுள்ளது.கடின உழைப்பாளியான ஒரு விவசாயி காட்டு யானைத் தாக்குதலுக்கு இலக்காகி உயிரிழந்தமை அப்பகுதி மக்களிடையே பெரும் சோகத்தையும் அச்சத்தையும் ஏற்படுத்தியுள்ளது.இப்பகுதிகளில் காட்டு யானைகளின் ஊடுருவல் அதிகரித்து வருவதால், விவசாயிகள் மற்றும் பொதுமக்கள் தகுந்த பாதுகாப்புடன் இருக்குமாறு அதிகாரிகள் எச்சரிக்கை விடுத்துள்ளனர்.