இலங்கையில் கடந்த 24 மணி நேரத்தில் 2 பெண்கள் உட்பட 4 பேர் பலி. கடந்த 24 மணி நேரத்தில் நாட்டின் பகுதிகளில் இடம்பெற்ற வாகன விபத்துகளில் 2 பெண்கள் உட்பட 4 பேர் உயிரிழந்துள்ளனர்.இந்த விபத்துக்கள் நேற்று (20) இடம்பெற்றுள்ளதாக பொலிஸார் தெரிவித்தனர்.மாத்தறை - ஹக்மன வீதியின் யட்டியன பிரதேசத்தில் லொறி ஒன்று முச்சக்கர வண்டியுடன் மோதியதில் பெண் ஒருவர் உயிரிழந்துள்ளார்.சௌசிறி உயன - யடிவன பிரதேசத்தை சேர்ந்த பெண்ணொருவரே இவ்வாறு உயிரிழந்துள்ளார்.இதேவேளை, மிரிஹான பொலிஸ் பிரிவிற்குட்பட்ட பரண கெஸ்பேவ வீதியில் ஜயவர்தனபுர கோட்டே மாநகர சபைக்குட்பட்ட சேவாபியசவிற்கு முன்பாக வீதியைக் கடக்க முயற்பட்ட பாதசாரி பெண் மீது மோட்டார் சைக்கிள் மோதியதில் விபத்தொன்று ஏற்பட்டுள்ளது.கங்கொடவில - நுகேகொட பகுதியைச் சேர்ந்த 85 வயதுடைய பெண் ஒருவர் இந்த விபத்தில் உயிரிழந்துள்ளார்.இதேவேளை, கெபிதிகொல்லேவ - வவுனியா வீதியின் துட்டுவெவ பிரதேசத்தில் அடையாளம் தெரியாத வாகனம் மோதிய விபத்தில் ஒருவர் உயிரிழந்துள்ளார்.உயிரிழந்தவரின் அடையாளம் இதுவரை உறுதிப்படுத்தப்படவில்லை என பொலிஸார் தெரிவிக்கின்றனர்.இதேவேளை, எலபாத்த - கொடாமுல்ல சந்திக்கு அருகில் கெப் வண்டியொன்று மோட்டார் சைக்கிள் மீது மோதிய விபத்தில் ஒருவர் உயிரிழந்துள்ளார்.இரத்தினபுரி, உடனிரிஹல்ல பிரதேசத்தை சேர்ந்த 35 வயதுடைய நபரே இவ்வாறு உயிரிழந்துள்ளார்.