வவுனியா A9 வீதியில் என்ன நடந்தது சீமெந்து புழுதியால் பயணிகள் அவதி சாரதிகளுக்கு எச்சரிக்கை வவுனியா நகருக்குள் நுழையும் பகுதியில் இன்று சீமெந்து ஏற்றிச் சென்ற லொறி ஒன்று விபத்துக்குள்ளானது.A9 பிரதான வீதியில் அமைந்துள்ள வரவேற்பு மதிலுடன் லொறி மோதியதில், அதிலிருந்த சீமெந்து வீதியில் கொட்டியது.இதனால் அதிக போக்குவரத்து கொண்ட குறித்த வீதியில் சீமெந்து புழுதி மற்றும் துகள்கள் காற்றில் பரவி வருகின்றன.இதன் காரணமாக பொதுமக்கள், மோட்டார் சைக்கிள் ஓட்டுநர்கள் மற்றும் வாகன சாரதிகள் சிரமங்களை எதிர்கொண்டு வருகின்றனர்.இதற்கிடையில், அப்பகுதியில் போக்குவரத்து நெரிசல் ஏற்படுவதற்கான வாய்ப்புகள் உள்ளதால், சாரதிகள் அவதானத்துடன் பயணிக்குமாறு பொலிஸார் கோரிக்கை விடுத்துள்ளனர்.