யோஷித, அவரது பாட்டிக்கு எதிரான வழக்கு விசாரணை ஒத்திவைப்பு  முன்னாள் ஜனாதிபதி மஹிந்த ராஜபக்ஷவின் மகன் யோஷித ராஜபக்ஷ மற்றும் அவரது பாட்டி டெய்சி ஃபாரஸ்ட் ஆகியோருக்கு எதிராக பணமோசடி தடுப்புச் சட்டத்தின் கீழ் தாக்கல் செய்யப்பட்ட வழக்கின் விசாரணையை கொழும்பு மேல் நீதிமன்றம் 2026 ஏப்ரல் 24 வரை ஒத்திவைத்துள்ளது.இந்த வழக்கு இன்று (09) கொழும்பு மேல் உயர் நீதிமன்ற நீதிபதி ரஷ்மி சிங்கப்புலி முன் விசாரணைக்கு எடுத்துக்கொள்ளப்பட்ட போதே இந்த உத்தரவு பிறப்பிக்கப்பட்டது.2009 மார்ச் 31, மற்றும் 2013 டிசம்பர் 12 க்கு இடையில் தனியார் வங்கிகளில் மூன்று நிலையான வைப்பு கணக்குகளில் சட்டவிரோதமாக சம்பாதித்ததாக நம்பப்படும்  59 ரூபா மில்லியனுக்கும் அதிகமான தொகையை வைப்பிலிட்டதன் மூலம் பிரதிவாதிகள் பணமோசடி தடுப்புச் சட்டத்தை மீறியதாகக் கூறி, சட்டமா அதிபர் மூன்று குற்றச்சாட்டுகளின் கீழ் வழக்கைத் தாக்கல் செய்துள்ளார்.பிரதிவாதிகள் சார்பில் முன்னிலையான அரசு வழக்கறிஞர் ஆக்ஸ்வால்ட் பெரேரா, பிரதிவாதியான டெய்சி ஃபொரஸ்ட் விசாரணையைத் தாங்கும் அளவுக்கு மனரீதியாகத் தகுதியானவரா என்பது குறித்து கொழும்பு நீதித்துறை மருத்துவ அதிகாரி மூலம் கோரப்பட்ட நிபுணர் மருத்துவ அறிக்கை இன்னும் பெறப்படவில்லை என்று நீதிமன்றத்தில் தெரிவித்தார்.அதன்படி, தொடர்புடைய விசாரணை அறிக்கை கிடைக்கும் வரை வழக்கை விசாரிக்க வேறு திகதியை வழங்குமாறு அவர் நீதிமன்றத்தை கோரியுள்ளார்.