அம்பாறையில் 22 வயது இளைஞன் விசேட அதிரடிப்படையினரால் கைது. அம்பாறை இறக்காமம் பொலிஸ்  பிரிவிற்குட்பட்ட வாங்காமம் பிரதேசத்தில் ஐஸ் போதைப் பொருளுடன் கைது செய்யப்பட்ட இளைஞன் தொடர்பில்  சம்மாந்துறை மற்றும் அம்பாறை விசேட அதிரடிப் படையினர் விசாரணைகளை மேற்கொண்டு வருகின்றனர். அம்பாறை மற்றும் சம்மாந்துறை விசேட அதிரடிப் படையின் பலனாய்வு பிரிவிற்கு  கிடைக்கப்பெற்ற இரகசியத்தகவலின் அடிப்படையில் மேற்கொண்ட சோதனை நடவடிக்கையின் போது  சந்தேகத்திற்கிடமாக  ஐஸ் போதைப் பொருளுடன் நடமாடிய வாங்காமம் பகுதியைச் சேர்ந்த 22 வயது மதிக்கத்தக்க சந்தேக நபர் ஐஸ் போதைப் பொருளுடன் கைதானார்.இவ்வாறு கைதான சந்தேக நபரிடமிருந்து ஒருதொகை ஐஸ் போதைப்பொருள் மீட்கப்பட்டிருந்ததுடன், சந்தேக நபர் உள்ளிட்ட சான்றுப் பொருட்களை சட்ட நடவடிக்கைக்காக  இறக்காமம் பொலிஸ் நிலையத்தில் ஒப்படைக்கப்பட்டுள்ளன. இது தொடர்பான மேலதிக விசாரணைகளை இறக்காமம் பொலிஸார் மேற்கொண்டு வருகின்றனர்.