தக் லைஃப் படத்தில் இணைந்த மற்றொரு மாஸ் ஹீரோ. ஜெயம் ரவிக்கு பதில் இவரா உலகநாயகன் கமலஹாசன் நடிப்பில் உருவாகும் திரைப்படம் தான் தக் லைஃப். இந்த படத்தில் திரிஷா, சிம்பு உள்ளிட்டவர்கள்  நடித்து வருகின்றார்கள்.30 ஆண்டுகளை கடந்து தக் லைஃப் படத்தின் மூலம் கமலஹாசன் மற்றும் மணிரத்தினம் இணைந்துள்ளார்கள். இந்தப் படத்துக்கு மிகப்பெரிய எதிர்பார்ப்பு காணப்படுகின்றது.இந்த படத்தின் ஷூட்டிங் சென்னை, ஹைதராபாத் உள்ளிட்ட இடங்களில் நடந்து முடிந்த நிலையில், தற்போது டெல்லியில் நடைபெற்று வருகின்றது. இந்த ஷூட்டிங்கில் நடிகர் கமலஹாசன், சிம்பு இணைந்து நடித்து வருகின்றார்கள்.தக் லைஃப் படத்தில் துல்கர் சல்மானுக்கு பதிலாக நடிகர் சிம்பு நடித்து வருகின்றார். இந்த நிலையில் ஜெயம் ரவிக்கு பதிலாக நடிகர் அசோக் செல்வன் தக் லைஃப் படத்தில் நடிக்க உள்ளதாக தகவல்கள் வெளியாகியுள்ளது.கால்ஷீட் விஷயத்தில் ஏற்பட்ட குளறுபடிகள் காரணமாக துல்கர் சல்மான் மற்றும் ஜெயம் ரவி இருவரும் படத்திலிருந்து விலகியதாக கூறப்பட்டது. தற்போது அவர்களுக்கு பதிலாக நடிகர் சிம்பு மற்றும் அசோக் செல்வன் இணைந்துள்ளமை குறிப்பிடத்தக்கது.