மடு மாதாவுக்கு மணிமுடி சூட்டிய நூற்றாண்டு விழா சிறப்பு நிகழ்வுகள் ஆரம்பம் மருதமடு மாதாவின் திருச்சொருபத்திற்கு மணிமுடிய சூட்டிய நூற்றாண்டு விழா சிறப்பு நிகழ்வுகள் இன்று மற்றும் நாளை இடம்பெறவுள்ளது.அதன்படி இன்று காலை  06:00 மணியளவில் தமிழில் திருப்பலி, காலை 06:45 மணியளவில்  சிங்களத்தில் திருப்பலி, காலை 08:00 மணியளவில் தமிழ் சிங்கள மொழிகளில் திருப்பலி (நற்கருணை சிற்றாலயத்தில்), காலை 10:00 மணியளவில் நூற்றாண்டு விழா நினைவு தபால் முத்திரை வெளியீடு, மாலை 06:00 மணியளவில் மாலைப்புகழ் ஆரம்பம், மாலை 07.45 மணியளவில் நற்கருணைப் பவனி, மாலை 08:30 மணியளவில் யூபிலி நினைவுமலர் வெளியீடு (மடுக்கோவிலின் புதிய தூயகக் குவிமாடம் (Dome) திறப்பு நிகழ்வு)  என்பன இடம்பெறவுள்ளது.இதேவேளை நாளையதினம், காலை 05:00 மணியளவில் முதல் திருப்பலி ( தமிழ் சிங்கள மொழிகளில்), காலை 06:15 மணியளவில் திருவிழா கூட்டுத்திருப்பலி என்பன இடம்பெறவுள்ளது.மேலும் விழாத்திருப்பலி நிறைவில் மடு அன்னையின் திருச்சொரூபத்திற்கு அடையாளமுறையில் முடிசூட்டப்பட்டு திருப்பவனி இடம்பெற்று திருச்சொரூப ஆசீர் வழங்கப்படும் என மன்னார் மறைமாவட்ட குரு முதல்வர் அருட்பணி பி. கிறிஸ்துநாயகம் அறிவித்துள்ளார்.