இலங்கையில் மீண்டும் கொரோனா அலை. சுகாதாரப் பழக்கங்களை பின்பற்றாவிடில் பெரும் அபாயம் samugammedia கொவிட் நோயாளர்களை கண்டறியும் பரிசோதனைகள் பரந்த அளவில் மேற்கொள்ளப்படாமையால் பொதுமக்கள் பாரிய சுகாதார பிரச்சினையை எதிர்நோக்க வேண்டியுள்ளதாக பொது பரிசோதகர்கள் சங்கம் தெரிவித்துள்ளது.அச்சங்கத்தின் தலைவர் உபுல் ரோஹன இன்று (17) விசேட அறிக்கையொன்றை விடுத்ததுடன், தமது சொந்த வாழ்க்கையின் பாதுகாப்பிற்காக மீண்டும் சுகாதார வழிகாட்டல்களை பின்பற்றுமாறு அவர் மக்களை கேட்டுக்கொண்டுள்ளார்.சாதாரண மட்டத்தில், சில வைரஸ் நோய்கள் மற்றும் கொவிட் -19 என்று சந்தேகிக்கக்கூடிய ஒரு நோய் பெரிய அளவில் பரவுகிறது. பாடசாலை கள் மற்றும் அலுவலகங்களில் இது ஒரு தொற்றுநோயாக பரவுகிறது. எனவே பொதுமக்களாகிய நாம் இந்த தருணத்தில் பொறுப்புடன் செயற்பட வேண்டும். குறிப்பாக கொவிட்-19 நோயைக் கட்டுப்படுத்துவது தொடர்பாக நாம் முன்னர் அறிமுகப்படுத்திய சுகாதார ஆலோசனைகள், குறிப்பாக கைகளை சுத்தமாக வைத்திருப்பது மற்றும் சுவாச மண்டலத்தின் சுகாதாரத்தை பராமரிப்பது ஆகியவை மிகவும் முக்கியமானவை.குறிப்பாக பொதுமக்கள் அதிகம் கூடும் இடங்களில் வெளியே செல்லாமல் இருப்பதும், முகக்கவசம் அணிவதை கட்டாயமாக்குவதும் உங்கள் ஆரோக்கியத்தையும் உயிரையும் பாதுகாக்க உதவும்.இந்த நிலைமை கொவிட்-19 தொற்றா இத்தகைய தொற்றுநோய் பரவி ஏதேனும் பேரழிவை ஏற்படுத்துமா என்பது குறித்து உறுதிப்படுத்த முடியாது. இந்த தொற்று மருத்துவமனையில் அனுமதிக்கப்பட்ட நோயாளிகள் மற்றும் இறக்கும் நோயாளிகளுக்கு மட்டுமே உறுதி செய்யப்படுகிறது. எனவே, உங்கள் வாழ்க்கையின் பாதுகாப்பிற்காக முன்னர் வழங்கப்பட்ட அனைத்து சுகாதார ஆலோசனைகளையும் கண்டிப்பாக பின்பற்றுவது மிகவும் முக்கியம். என அவர் தெரிவித்துள்ளார் .