கிளிநொச்சியில் மக்களின் குடியிருப்புக்குள் புகுந்த முதலை. நாட்டின் பல பகுதிகளிலும் தற்போது நிலவும் சீரற்ற காலநிலையால் மக்கள் கடும் பாதிப்புக்களை எதிர்நோக்கியுள்ளனர்.குறிப்பாக கிளிநொச்சி கண்டாவளை பிரதேச செயலாளர் பிரிவுக்குட்பட்ட தர்மபுரம் பகுதியில் கனமழை காரணமாக தாழ்நில பகுதியில் இருப்பவர்கள் இவ்வாறு பாதிப்புக்குள்ளாகியுள்ளனர்.குறித்த பகுதியில் வெள்ளம் வீட்டை சூழ்ந்துள்ளதாக தெரிவித்துள்ள மக்கள், பெய்த கடும் மழை காரணமாக மக்கள் குடியிருப்பு பகுதியில் உள் நுழைந்த முதலை ஒன்று சில கோழிகளை வேட்டையாடியுள்ளதாக தெரிவிக்கின்றனர். வீட்டுக்குள் நுழையாதவாறு வேலியில் கட்டப்பட்டிருந்த வலையில் சிக்குண்ட நிலையில் முதலை காணப்படுகின்றது. இந்நிலையில், அப்பகுதியில் மக்கள் அச்ச நிலையுடன் காணப்படுவதாக தெரிவிக்கப்படுகிறது.