தேசிய மட்டத்தில் சாதனை படைத்த மன்னார் மாணவி கெளரவிப்பு. தேசிய மட்ட பாடசாலைகளுக்கிடையிலான மெய்வல்லுநர் விளையாட்டுப் போட்டியில் மன்னார் மாவட்டத்தில் முதல் தடவையாக தங்கப் பதக்கம் பெற்ற பெற்ற முதல் வீராங்கனையான மன்னார் தோட்டவெளி அரசினர் தமிழ் கலவன் பாடசாலை மாணவி ஏ.யதுர்சிக்கா, மற்றும் வடமாகாண மெய்வல்லுநர் தடகளப் போட்டியில் சாதனை படைத்த மாணவர்கள் கௌரவிக்கும் நிகழ்வு நேற்றையதினம்(8) மன்னாரில் இடம்பெற்றது.தோட்டவெளி அரசினர் தமிழ் கலவன் பாடசாலை அதிபர் தலைமையில் குறித்த நிகழ்வு இடம்பெற்றது.இதன் போது சாதனை படைத்த மாணவ,மாணவிகள் மன்னார் பிரதான பாலத்தடியில் கௌரவிக்கப்பட்டு வாகன பவனியாக தோட்டவெளி அரசினர் தமிழ் கலவன் பாடசாலை வரை அழைத்துச் செல்லப்பட்டனர்.அதனை தொடர்ந்து பாடசாலையில் கௌரவிப்பு நிகழ்வுகள் இடம்பெற்றது.குறித்த நிகழ்வில் பிரதம விருந்தினராக மன்னார் மாவட்ட செயலாளர் க.கனகேஸ்வரன், கௌரவ விருந்தினர்களாக மன்னார் பிரதேச செயலாளர் எம்.பிரதீப், மன்னார் வலயக்கல்வி பணிப்பாளர்  ஜி.டி.தேவராஜ்  , மற்றும் விசேட விருந்தினர்களாக அருட்தந்தை தமிழ் நேசன் அடிகளார், அருட்தந்தை எம்.ஜெயபாலன் அடிகளார் ஆகியோர் கலந்து சிறப்பித்தனர். இதன் போது சாதனை படைத்த மாணவ மாணவிகள்  கௌரவிக்கப்பட்டமை குறிப்பிடத்தக்கது.